Charter Document - 04060324

Wilhelmus dei gratia abbas totusque conventus monasterii sancti Galli Constanciensis dyocesis omnibus presentium inspectoribus subscriptorum notitiam cum salute Ut frequentius et uberius persone religiose divino cultui seu obsequio valeant insudare necessarium et pium est cum spiritualia sine temporalibus subsistere nequeant ipsis in hiis que ad cottidiani victus usum pertinent salubriter providere Noverint igitur universi tam posteri quam presentes quod cum nobilis vir Eberhardus de Burgelon miles decimam sitam in oppido quod vulgariter Obernbussenank nuncupatur quam a nobis seu a nostro monasterio tam ipse quam sui progenitores ab antiquo in feodum tenuerunt et a tanto tempore cuius non extat memoria quiete et pacifice possederunt ad manus nostras pure et simpliciter resignavit adhibita in resignatione ipsa omni verborum ac gestuum sollempnitate debita et consueta petens a nobis humiliter ac devote ut decimam memoratam divine pietatis et retributionis intuitu sub censu annuo videlicet dimidie libre cere nobis et nostris successoribus in festo beati Galli annis singulis exsolvendo [] dilectis in Christo [] abbatisse et conventui monasterii in Veltbach ordinis Cisterciensis dyocesis supradicte nomine sui monasterii concedere dignaremur ab eisdem tenendam et possidendam perpetuo cum omni utilitate et usu fructu quo ipsam possedit hactenus pacifice et quiete Nos petitioni predicti nobilis equitatis ducti semita condescendere cupientes prefatam decimam cum suis pertinentiis universis prehabito super hoc inter nos tractatu sollempni debito et consueto qui in huiusmodi concessionibus adhibendus et premittendus est iuxta canonicas sanctiones consensu unanimi ac spontanea voluntate [] prelibatis [] abbatisse et conventui sub censu supradicto nobis nostrisque successoribus in termino predicto perpetuo persolvendo concedimus ab ipsis ipsorumque monasterio tenendam et possidendam in perpetuum et irrefragabiliter cum omni utilitate et usu fructu pacifice et quiete adhibita in concessione huiusmodi verborum et gestuum sollempnitatibus debitis et consuetis Et ut premissa concessio nullo unquam possit tempore violari renuntiamus circa ipsam tam pro nobis quam successoribus nostris qui pro tempore fuerint benefitio restitutionis in integrum litteris a sede apostolica vel aliunde impetratis seu etiam impetrandis defensioni non adhibite sollempnitatis omni consuetudini generali vel particulan privilegio fori omnibus constitutionibus editis vel edendis exceptioni doli quod metus causa auxilio cuilibet tam canonum quam legum et generaliter omni suffragio tam in specie quam in genere quo mediante ea que premissa sunt vel ipsorum quodcumque possent quovis ingenio violari Et in evidentiam omnium premissorum ipsorumque perpetuam firmitatem presens instrumentum de nostro consensu et unanimi voluntate confectum et conscriptum [] prelibatis [] abbatisse et conventui tradimus sigillorum nostrorum una cum appensione sigilli Eberhardi nobilis memorati robore communitum Acta sunt hec apud sanctum Gallum presentibus domino Diethelmo de Gvttingen milite Egelolfo Rvodolfo et Eglolfo fratribus de Rosenberg Walthero dicto Lesting rectore in Herisovwe Rvodolfo de Rosenburg Ottone de Einwile Hainrico et Cvonrado dictis Omen anno domini MCCLXXXXIII III non marc indict VI Ego vero Eberhardus miles predictus omnia que premissa sunt confiteor esse vera sigillum proprium in ipsorum evidentiam presentibus appendendo