Charter Document - 04060323
| Charter Number: | 04060323 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1293 |
| Date type: | Internal, A.D. |
| Resource Link(s): |
Monasterium.net |
Charter:
Willeh[elmu]s dei gratia abbas totusque conventus monasterii sancti Galli ordinis sancti Benedicti Constantiensis dyocesis universis hanc litteram inspecturis fidem presentibus adhibere Noverint universi ad quos presentes pervenerint quod nos condicionem ecclesie nostre volentes facere meliorem de communi consilio et consensu ius proprietatis possessionum sitarum in Cluftern omnium quas Cunr de Hermstorf iunior a nobili viro Swigero de Teggenhusen et ille a nobis in feodum tenuit et possedit cum per eum seu ipsas possessiones parum utilitatis nostra ecclesia fuerit consecuta venerabilibus in Christo [] abbati et conventui monasterii de Salem ordinis Cysterciensis Constantiensis dyocesis ob dilectionem specialem qua erga eosdem movemur tradidimus et donavimus in perpetuum possidendum ita sane quod ipsi singulis annis in festo beati Galli dimidiam libram cere ecclesie nostre iure emphitheotico solvere teneantur Renunciamus igitur pro nobis nostrisque qui pro tempore fuerint successoribus omni iuri quod nobis alias competebat vel competere videbatur in possessionibus prenotatis Et in evidenciam premissorum ipsorumque mcommutabilem firmitatem hanc litteram sigillis nostris videlicet quibus nos [] abbas et conventus utimur fecimus communiri Dat et act apud sanctum Gallum anno domini MCCXCIII