Charter Document - 04060319
| Charter Number: | 04060319 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Protection |
| Date: | 1292 |
| Date type: | Internal, A.D., Calendar |
| Resource Link(s): |
Monasterium.net |
Charter:
R dei gracia Constanciensis episcopus dilectis in Christo universis ad quos presentes pervenerint salutem et noticiam subscriptorum Quia nobilis vir Chunr dominus de Bussenang miles ad proficiendum nobis et ecclesie nostre per se et suos ad omnes nostras et ecclesie nostre necessitates fideli suo servicio consilio auxilio et favore assistere promisit contra quoslibet per fidem datam nomine iuramenti nos in recompensam huiusmodi fidei et obsequiorum suorum sexaginta marcas argenti ponderis Constanciensis ut serviciis nostris et ecclesie nostre intendat et plenius intendere valeat sibi dare promisimus et promittimus per presentes Et pro eodem argento quia ad manus numeratam pecuniam non habemus ei possessiones nostras videlicet in Tufenbach Vaielon et molendinum in Vaielon Stachenlehen Huseleregge Mitelberg vt dem Berge et in Attenruti scoposas cum ipsarum redditibus titulo pignoris obligavimus et tenore presentium obligamus salvo nobis quod idem miles ad exactionem sture petende ab hominibus dictarum possessionum vel aliis nostris hominibus aut ad exactiones aliquas non procedat salvis etiam nobis mortuariis que velle vulgariter nuncupantur In redemptione autem dictarum possessionum nobis et ecclesie nostre reservamus ita videlicet ut cum decem ei marcas solverimus vel quocienscumque ei decem marcas solverimus vel dederimus pro solucione qualibet decem marcarum ex iisdem possessionibus ad nos unius marce argenti redditus libere revertantur In cuius rei testimonium presens scriptum eidem militi nostro sigillo fecimus sigillari Dat Constancie anno domini MCCLXXXXII IIII kl maii