Charter Document - 04060317

Charter Document - 04060317


Charter Number: 04060317
Cartulary Title: Chartularium Sangallense IV [St. Gallen]
Charter Language: Latin
Charter Origin: Religious
Charter Type(s): Settlement
Date: 1291
Date type: Internal, A.D.
Resource Link(s): Monasterium.net

Charter:

Universis ad quos presentes pervenerint magister Rvod de Erzingen et magister H de Schoenwert Zouingensis et Thuricensis ecclesiarum canonici noticiam subscriptorum cum salute Noveritis quod nos in causa que inter [] abbatem et conventum monasterii in Rvti ordinis Premonstratensis ex una ac [] abbatissam et conventum monasterii in Wrmspach Cisterciensis ordinis Constantiensis dyocesis ex parte altera vertebatur super iure patronatus ecclesie in Bollingen arbitri arbitratores seu amicabiles compositores a partibus electi causam ipsam communi pronunciatione de consilio prudentum et consensu partium earundem iuramentum iureiurando quod contra nostrum arbitrium seu sententiam non veniant in futuro sed eius tenorem inviolabiliter observabunt decidimus sub hac forma videlicet quod predictis [] abbati et conventui adiudicavimus ius patronatus quod in predicta ecclesia sibi tam possessorio quam petitorio vendicabant prefatis [] abbatisse et conventui perpetuum silentium inponentes possessiones etiam et res alias quas predicta [] abbatissa et conventus a Bollingen dum incorporabantur ordini Cisterciensi secum tulerunt et actenus possederunt eisdem decernimus perpetuo sine cuiuslibet contradictionis obice relinquendas omnemque actionem et cuiuslibet questionis materiam mote actenus inter ipsas tam super principiali quam super expensis seu aliis incidentibus resecavimus et tenore presentium resecamus Nos R dei gratia Constantiensis episcopus predictam diffinitionem tamquam rationabilem approbamus et ipsam ad petitionem dictarum partium auctoritate ordinaria confirmamus et in evidentiam una cum sigillis predictorum arbitrum nostro sigillo presens est cedula sigillata Nos arbitri supradicti nostris sigillis presentem cartam sigillari fecimus in testimonium premissorum Dat Thur[egi] anno domini MCCXC primo idus octobr indictione quinta