Charter Document - 04060316

Universis Christi fidelibus presentibus et futuris ad quos presentes pervenerint [] divina permissione abbas et conventus monasterii de Ruthi ordinis Premonstratensis Constantiensis dyocesis necnon [] abbatissa ac conventus cenobii in Wurmspach ordinis Cistertiensis eiusdem dyocesis subscriptorum noticiam cum salute Noverint quos nosse fuerit oportunum quod cum inter nos videlicet predictos [] abbatem et conventum monasterii de Ruthi ex una ac prefatas [] abbatissam et conventum cenobii in Wurmspach super iure patronatus ac aliis coherentiis et attinentiis ecclesie in Bollingen prope lacum Thuricensem necnon possessionibus et rebus aliis quas predicte [] abbatissa et conventus a cenobio in Bollingen dum incorporate fuissent Cistertiensi ordini secum tulerant et usque ad tempus mote litis possederunt ex parte altera coram venerabili in Christo patre ac domino R dei gratia Constantiensi episcopo ac auditoribus ab eo deputatis misset diutius litigatum tandem pro bono pacis et concordie et ne nos laboribus et expensis diutius gravaremur in viros discretos magistrum Rudolfum de Erzingen ac magistrum Hainr de Schoenenwert Zovingensis et Werdensis ecclesiarum canonicos tamquam in arbitros arbitratores seu amicabiles compositores communiter extitit compromissum accedente ad hoc consensu religiosi viri [] abbatis monasterii in Wettingen cui monasterio nos predicte [] abbatissa et conventus sumus astricte ut iidem arbitri arbitratores seu amicabiles compositores plenam et plenissimam habeant potestatem dictam causam secundum iusticiam vel amiciciam terminandi dicto arbitrio iureiurando religione per nos hincinde firmato ut si alterutra partium diffinitionem dictorum arbitrorum et compositorum ratam non haberet vel quoquo modo infringeret seu contrairet illa reatu periurii et nota infamie notaretur Et in premissorum omnium evidentiam et robur nos predicti abbas et conventus monasterii de Ruthi sigillis nostris ac nos [] abbatissa prefata sigillo nostro quo et nos conventus dicti cenobii in Wurmspach utimur proprium non habentes una cum sigillo predicti domini abbatis in Wettingen presens compromissum signamus Dat et act Thur[egi] anno domini MCCLXXXXI V idus octobr indict V Nos [] abbas monasterii de Wettingen quia nobis auctorante et consentiente predicte [] abbatissa et conventus monasterii in Wurmspach compromiserunt ut superius est notatum in signum nostri consensus sigillum nostrum apponi presenti fecimus compromisso anno die loco et indictione suprascriptis