Charter Document - 04060314
| Charter Number: | 04060314 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1291 |
| Date type: | Internal, A.D. |
| Resource Link(s): |
Monasterium.net |
Charter:
Universis Christi fidelibus presentem cartulam inspecturis Cunradus divina permissione abbas monasterii in Staine totusque conventus ibidem ordinis sancti Benedicti Constantiensis dyocesis devotas in Christo orationes cum notitia subscripborum Res gesta ideo litteris inscribitur ne per oblivionem temporis articulo deleatur Noverint igitur tam posteri quam presentes quod nos de communi consilio Maehtildim filiam Hainrici fabri de Morinzhusen uxorem Cunradi cellerarii que quidem mulier dicto nostro monasterio proprietatis titulo pertinere dinoscitur unacum pueris suis utriusque sexus quos nunc habet seu in posterum est habitura monasterio sancti Galli pro dimidia parte tradidimus presentibus et donamus adhibito in premisso dono verborum ac gestuum sollempnitate debita et consueta renuntiantes pro nobis et posteris nostris omni iuri et actioni per que dicta donatio quam considerata utilitate prefati nostri monasterii ad petitionem antedicti [] fabri patris dicte mulieris fecimus posset retractari aliquatenus aut cassari Et in premissorum testimonium atque robur presens scriptum robore sigillorum nostrorum firmiter communimus Acta sunt hec in Staine anno domini MCCLXXXXI idus maii indict IIII