Charter Document - 04060307

Conradus dei gratia abbas totusque conventus monasterii sancti Galli ordinis sancti Benedicti Constanciensis dyocesis universis Christi fidelibus presentem paginam inspecturis subscriptarum rerum noticiam cum salute Quia condicionis humane habitudo in eodem statu permanere non potest cum aut ascendendo incrementum suscipiat aut descendendo per alicuius adversitatis obicem sustineat detrimentum et precipue per oblivionis caliginem que humane memorie novercatur expedit ea que geruntur in tempore scripturarum indiciis tenaci et incommutabili memorie commendari Noverint itaque universi tam posteri quam presentes quod cum vir memorie venerabilis Bertholdus quondam dei gratia abbas monasterii sancti Galli noster predecessor castrum seu oppidum in Grveningen dicte dyocesis cum suis pertinenciis universis advocacia videlicet et aliis iuribus corporalibus et incorporalibus quibuscumque a nobili viro domino Livtholdo de Regensperg emerit pro certa pecunie quantitate que idem nobilis ab antiquo in feodum a nostro monasterio tenuit et possedit ac ante solucionem pecunie predicte prefatus dominus Bertholdus antecessor noster viam fuerit universe carnis ingressus obsidumque ac aliorum creditorum multitudine dictum nostrum monasterium in tantorum debitorum mersum esset voragine quod nisi celeri succursum ei foret remedio in ruinam irrestaurabilem procul dubio devenisset pie memorie dominus Volricus de Gvttingen abbas qui prelibato domino Bertholdo in abbacia sancti Galli successit urgente ut dictum est exactissima necessitate cum non esset in rebus mobilibus unde a tanta mole debitorum posset dictum sancti Galli monasterium liberari prefatas possessiones castrum predictum cum iuribus et suis pertinenciis quibuscumque necnon alias possessiones ipsius monasterii de consensu sui conventus vel maioris et sanioris partis eiusdem exposuit vendicioni ut pensatis diligenter circumstanciis universis venderentur ille possessiones per quas facilius posset resurgere monasterium sancti Galli ne omnino in exicium perpetuo mergeretur Post multa igitur maus et dampnis intolerabilibus crebrescentibus prefatus dominus Volricus abbas de consensu conventus sui monasterii vel maioris et sanioris partis eiusdem emptores invenit qui decreto habito licitacione facta secundum formam iuris prehabitisque tractatibus publicis et occultis cum hiis quorum intererat videlicet conventu et ministerialibus dicti monasterii nostri castrum prefatum in Grveningen cum advocacia cum curte que dicitur Mvnchaltorf et cum curte que dicitur vulgariter Tvnreton et cum iuribus patronatus ecclesiarum pertinentibus ad dictas curtes necnon cum omnibus iuribus tam corporalibus quam incorporalibus quibuscumque et quocumque nomine censeantur ipsis pertinentibus et annexis vendidit et tradidit serenissimo domino Rudolfo dei gratia Romanorum regi inclito suorum liberorum nomine comparanti omnia et singula supradicta per ipsos liberos eorumque heredes titulo feodi ab ipso monasterio sancti Galli perpetuo possidenda proprietate ipsorum bonorum apud dictum monasterium remanente pro duobus milibus marcarum argenti puri et legalis ponderis Constanciensis que milia in nunc modum domino Volrico abbati predicto nostro predecessori fuerant persoluta pars predicto domino de Regensperg et pars obsidibus qui in dampnoso obstagio morabantur obligati a prefato domino Bertholdo abbate sancti Galli et suo conventu in empcione prefati oppidi cum advocacia et cum aliis suis pertinenciis primo facta ita quod prefate summe solutio mille quadringentarum et quinquaginta marcarum argenti legalis dicti ponderis numerum tunc complevit quam summam argenti dictus Volricus abbas et conventus nostri monasterii cum suis ministerialibus recogno verunt et recognoscunt ex causa predicta se recepisse nosque una cum nostro conventu idipsum recognoscimus per presentes et eandem secundum modum prefatum in utilitatem evidentem nostri monasterii fore conversam Deinde domino Volrico quondam abbate sancti Galli predicto carnis debitum persolvente ortis ex hoc contractu aliquarum materiis altercacionum inter predictum dominum nostrum Rudolfum Romanorum regem et illustres filios suos Albertum et Rvdolfum duces Austrie et Styrie comites de Habspurch et de Kiburch Alsacie lantgravios ex una et Wilhelmum tunc abbatem sancti Galli nostrum predecessorem nostrumque conventum ex parte altera post concertacionem diutinam nobis et nostro monasterio dampnosam sapientum et proborum mediante consilio et tractatu sollempni prehabito et premisso qui circa huiusmodi tractatus premittendus est iuxta canonicas sanctiones in hunc modum composicio intercessit In priore enim contractu inito per dictum Volricum antecessorem nostrum de duobus milibus marcarum argenti restabant solvende quingente et quinquaginta marce quibus predictus dominus rex Romanorum nomine dictorum suorum liberorum ipsorumque heredum superaddidit ducentas et quinquaginta marcas ponderis antedicti ad securissimam et plenissimam iustificacionem contractus memorati pro bono pacis et concordie non iuris debito sed pocius ex superhabundanti ita quod ipsa superaddicione computata octingente marce argenti dicti ponderis solvende remanserant de summa totalis precii antedicti quarum medietate videlicet quadringentis marcis argenti eidem predecessori nostro Wilhelmo per dictum dominum nostrum regem Romanorum suorum liberorum nomine persoluta et in utilitatem evidentem nostri monasterii sancti Galli videlicet in exhoneracionem debitorum gravi um eiusdem quibus usure intollerabiles et dampna gravia in obstagiis accreverunt in civitate Constanciensi conversa legitime prout scriptis presentibus publice profitemur dictus noster predecessor Wilhelmus accedente consensu nostri conventus et adhibita sollempnitate debita ac consueta prefatum vendicionis contractum prout supra de verbo ad verbum exprimitur ratificavit approbavit et ad cautelam nichilominus innovavit Nos itaque receptis residuis quadringentis marcis argenti puri et legalis ponderis Constanciensis a predicto domino rege Romanorum Rudolfo nomine et vice illustris domini Alberti ducis Austrie et Styrie comitis de Habspurch et de Kiburch Alsacie lantgravii sui filii et suorum heredum et nomine ac vice [] heredis quondam illustris domini Rudolfi ducis Austrie et Styrie sui nati quas nos ab ipso recepisse et in utilitatem evidentem nostri monasterii videlicet in redempcionem et absolucionem castri nostri de Nouo Rauenspurch cum suis pertinenciis universis factas a nobili viro Rudolfo comite de Monteforti qui dictum castrum cum suis pertinenciis titulo pignoris possidebat legitime conversis prout tenore presencium profitemur tractatu sollempni prehabito et premisso qui circa huiusmodi contractus habendus est et premittendus iuxta canonicas sanctiones et deliberacione prehabita diligenti sepius cum conventu ministerialibus et vasallis nostri monasterii ac utilitate ipsius monasterii diligentissime considerata castrum prefatum in Grveningen et oppidum cum advocacia hominibus et iuribus aliis quibuscumque et cum curtibus suprascriptis ac iuribus patronatus ecclesiarum eisdem pertinentibus et annexis omnibusque aliis locorum iuribus prediis pratis pascuis nemoribus aquis aqueductibus piscinis aut piscariis viis et inviis cultis et incultis aliisque iuribus tam corporalibus quam incorporalibus universis quocumque nomine censeantur ratificantes et approbantes expresse prehabitum vendicionis contractum prout de verbo ad verbum superius est expressus ad cautelam de novo in supplementum eius siquid de iure vel de facto priori defuit contractui communi consensu accedente libere et absolute predicto domino Alberto illustri duci Austrie et Styrie suisque heredibus et heredi quondam illustris domini Rudolfi fratris sui damus et tradimus ac in ipsos transferimus per presentes per iustum et legitimum empcionis titulum feodali iure perpetuo possidenda sine cuiusvis obice contradictionis Et ne predicta possint aliquatenus violari fide data nomine iuramenti promittimus et spondemus sollempni interposita stipulacione nos contra premissa venire nullatenus vel per nos aut alios quoscumque quicquam contra eadem facere procurare aut aliquatenus attemptare directe vel indirecte publice vel occulte renunciantes nichilominus circa premissa et quodlibet eorundem tam pro nobis quam pro nostro monasterio nostrisque in evum successoribus quicumque pro tempore fuerint beneficio restitucionis in integrum iure maioris vel minoris principaliter aut incidenter litteris a sede apostolica vel aliunde impetratis seu eciam impetrandis decepcioni ultra dimidiam partem iusti precii excepcioni non numerate pecunie non tradite non solute defensioni et auxilio non adhibite sollempnitatis debite vel consuete omnibus constitucionibus et statutis tam editis quam edendis omni auxilio legum et canonum excepcionibus doli in factum et quod metus causa auxilio consuetudinis generalis vel particularis et generaliter omnibus auxiliis et suffragiis tam in genere quam in specie quibus mediantibus ea que sunt prehabita et premissa in toto vel in parte aliqua eorundem possent ullo umquam tempore violari usque adeo quod in contrarium veniens publice vel occulte directe vel indirecte reus fracte fidei habeatur Et nichilominus dampna et expensas ac interesse commune et singulare refundere nos sollempni stipulacione interposita dicto duci heredi quondam [] fratris sui et eorum heredbus obligamus contractu vendicionis prefato prout est premissum in toto et in parte nichilominus in suo robore duraturo Et ad observacionem omnium et singulorum premissorum nos nostrumque monasterium predicto domino duci et suis heredibus necnon heredi quondam [] fratris sui sub ypotheca omnium rerum nostri monasterii quam specialiter in rebus omnibus nostri monasterii pro observacione inviolabili premissorum omnium ipsis constituimus per presentes per stipulacionem legitimam obligamus Promittimus eciam warandiam et de evictione cavemus eisdem super empcione predicta in omnibus rebus et iuribus superius expressis tam in omni foro ecclesiastico quam civili adhibitis nichilominus per nos in omnibus et singulis supradictis verborum ac gestium sollempnitatibus debitis vel consuetis Et ad firmitatem perpetuam eorundem presentes litteras conscribi fecimus et easdem pro nobis singulis subscribi cum scribendi pericia careamus necnon sigillorum reverendi patris domini Rvdolfi dei gratia Constanciensis episcopi loci ordinarii nostri abbatis et conventus predictorum quo nunc utimur cum sigillum conventus quo utebamur tempore Wilhelmi quondam abbatis monasterii nostri refutaverimus et reprobaverimus ex eo quod idem Wilhelmus eodem sigillo post suspensionem amministracionis sue in spiritualibus et temporalibus per venerabilem patrem dominum Johannem episcopum Tusculanum apostolice sedis legatum in regno Alemanie ex quibusdam legitimis causis facte in nostri monasterii preiudicium utebatur robore communiri Nos Rudolfus dei gratia Constanciensis episcopus premissis omnibus et singulis rite et legitime iniciatis et eciam consummatis prout de verbo ad verbum superius est expressum consencientes et eadem approbantes et ratificantes nostram eisdem omnibus et singulis confirmacionem et auctori tatem plenariam impertimur et ad fidem indubitabilem eorundem presentibus sigillum nostrum appendi fecimus ad peticionem dictorum [] abbatis et conventus monasterii sancti Galli Nos Cvonradus dei gratia abbas monasterii sancti Galli predictus premissis omnibus et singulis consencientes cum et eadem ut est premissum per nos sint effectui mancipata huic instrumento per Ottonem notarium subscribi fecimus pro nobis cum scribendi pericia careamus Ego Bertholdus prepositus monasterii sancti Galli predictis omnibus consencio et consensi et huic instrumento per Ottonem conscripto pro me subscribi feci Ego Heinricus portenarius sancti Galli supradictis omnibus consencio et consensi et huic instrumento per Ottonem conscripto pro me subscribi feci Ego Rvomo de Ramstein monachus monasterii sancti Galli predictis omnibus consencio et consensi et huic instrumento per Ottonem conscripto pro me subscribi feci Ego Hugo de Dvrrenhayn monachus monasterii sancti Galli supradictis omnibus consencio et consensi et huic instrumento per Ottonem conscripto pro me subscribi feci Ego Heinricus de Dvrrenhain monachus monasterii sancti Galli omnibus predictis consencio et consensi et huic instrumento per Ottonem conscripto pro me subscribi feci Ego Fridericus de Gvndoluingen monachus monasterii sancti Galli predictis omnibus consencio et consensi et huic instrumento per Ottonem conscripto pro me subscribi feci Ego Hilteboldus de Werstein monachus monasterii sancti Galli predictis omnibus consencio et consensi et huic instrumento per Ottonem conscripto pro me subscribi feci Ego Volricus de Truhpurch monachus monasterii sancti Galli predictis omnibus consencio et consensi et huic instrumento per Ottonem conscripto pro me subscribi feci Ego Johannes de Guttingen monachus monasterii sancti Galli predictis omnibus consencio et consensi et huic instrumento per Ottonem conscripto pro me subscribi feci Ego Hainricus de Lvpphen monachus monasterii sancti Galli predictis omnibus consencio et consensi et huic instrumento per Ottonem conscripto pro me subscribi feci Actum et datum apud sanctum Gallum feria quarta ante festum purificacionis beate Marie virginis indictione quarta anno domini MCC nonogesimo primo