Charter Document - 04060303

Universis hanc litteram inspecturis Hainr Waltherus et Cvonradus fratres de Ramswag milites salutem cum noticia subscptorum Vita hominum instabilis et memoria labilis ac infirma monent gesta temporum perhennari serie litterarum Noverint igitur universi tam posteri quam presentes quod nos receptis a venerabilibus in Christo [] abbate et conventu monasterii in Salem ordinis Cysterciensis Constanciensis dyocesis centum viginti libris denariorum Hallensium et in usus sive sumptus quos domina [] de Kemnat uxor mei Cvonradi de Ramswag predicti legittima aput Esselingen languens et infirma pro sui convalescentia in medicos expenderat aliasque utilitates nostras communes integraliter conversis prout scriptis presentibus recognoscimus et confitemur volentes eandem confessionem eum habere vigorem ac si facte essent in iure coram iudice competenti universas possessiones nostras dictas ze Botzier sitas in Blatun quas ab imperio in feodum hucusque tenuimus et possedimus eisdem [] abbati et conventui de consensu omnium quorum intererat unanimi et expresso pro summa peccunie antedicte rite et legitime vendidimus et in ipsos ipsorumque monasterium cum universis suis pertinentiis videlicet agris cultis et incultis pratis pascuis silvis nemoribus et frutectis aquis aquarumque decursibus viis inviis semitis itineribus aliisque omnibus iuribus tam corporalibus quam incorporalibus tacitis et expressis quocumque nomine censeantur titulo perfecte venditionis transtulimus et transferimus per presentes ab ipsis et eorum monasterio quiete ac pacifice perpetuo possidendas et in quascumque personas seu in quecumque loca voluerint transferendas sine cuiusvis obice contradictionis inducentes eos in corporalem possessionem predictarum possessionum omnium suorumque pertinentium universorum superius expressorum Obligamus itaque nos nostrosque quicumque pro tempore fuerint heredes ac successores universos eisdem [] abbati et conventui de Salem ipsorumque monasterio ad plenam warandiam possessionum predictarum et ad subeundum omne evictionis periculum in quocumque iudicio ecclesiastico vel seculari quod de iure vel de consuetudine fuerit subeundum sine quibuslibet eorum laboribus et expensis adhibitis per nos in premissis omnibus et singulis venditione donatione et translatione quibuslibet verborum ac gestuum sollempnitatibus debitis et consuetis Et ut ea que premissa sunt rata permaneant et illibata renunciamus circa ipsa tam pro nobis quam pro nostris heredibus ac successoribus universis et specialiter pro Volrico et Burchardo filiis pie memorie quondam Burchardi Dietrici fratris nostri adhuc in annis minoribus constitutis quorum tutores sumus quique universa bona sua communia nobiscum habent et indivisa beneficio restitutionis in integrum litteris a sede apostolica aut aliunde impetratis seu etiam impetrandis defensioni non adhibite sollempnitatis auxilio legum et canonum exceptioni non numerate peccunie non tradite non solute deceptioni ultra dimidium iusti precii omni consuetudini generali et particulari et generaliter omni suffragio quo mediante predicta venditio posset ullo umquam tempore violari vel in irritum revocari In evidenciam igitur omnium premissorum presens instrumentum exinde conceptum eisdem de Salem tradidimus sigillorum nostrorum muniminibus roboratum Datum et actum in Constancia anno domini MCCXCI quinto kl aprilis presentibus testibus infrascriptis videlicet strennuis viris Rudolfo et Hermanno fratribus de Sulzberg militibus fratre Hainrico de Ysinina maiore cellerario in Salem fratre Hainr Gehurnone subcellerario fratre Hainr Graetario et fratre Dietrico de Bermetingen iuniore aliisque pluribus fide dignis