Charter Document - 04060299

In nomine domini amen Omnibus et singulis presentium inspectoribus presentibus et futuris Cvonradus dei gratia abbas totusque conventus monasterii sancti Galli ordinis sancti Benedicti Constantiensis dyocesis subscriptorum noticiam cum salute Ad universitatis vestre noticiam cupimus presentibus pervenire quod accedens ad nostram presentiam nobilis vir Rvodolfus dictus de Chemtun a nobis cum instantia postulavit ut nos eidem in remedium anime sue ac progenitorum suorum veneralibus in Christo [] abbati et conventui monasterii in Ruti ordinis Premonstratensis Constantiensis dyocesis duarum marcarum argenti redditus de curia villicana in Chemtun quam dictus Rvodolfus a nostro monasterio iure emphiteutico quod vulgo dicitur cinslehen dinoscitur possidere de mansu inferiori in Chemtun decem frusta frumenti persolvente quem Rvod et Hainricus dicti Hubaer inhabitant ac de mansu superiori ibidem dicto in der Gassun VII frusta cum dimidio persolvente quem Rvodolfus in der Gassun inhabitat et de prato dicto Tavel an dem Laengenbach dicte curie annexis annis singulis persolvendos donandi ac transferendi in dictos [] abbatem et conventum dictos mansus ac pratum sub annuo censu daremus liberam facultatem Nos itaque prelibati Rvodolfi de Chemtun devotis pre eibus annuentes duarum marcarum redditus de dictis duobus mansibus ac prefato prato provenientes prelibatis [] abbati et conventui monasterii in Ruti donandi ac transferendi in eosdem dictos mansus et pratum ita videlicet ut singulis nostro monasterio annis unam libram cere in festo sancti Galli nomine census persolvant liberam tradimus scriptis presentibus facultatem iure proprietatis dictorum mansuum et prati ratione census iamdicti penes nostrum monasterium remanente Nos [] conventus monasterii sancti Galli supradicti prelibatam donationem per supradictum Rvodolfum factam a venerabili patre ac domino nostro [] abbate predicto admissam presentibus approbamus et eidem subscribendo pro nobis consensum nostrum plenum et expressum duximus adhibendum In cuius rei ac omnium premissorum testimonium atque robur nos Cvonradus abbas predictus et nos [] conventus presentibus sigilla nostra duximus appendenda Ego quoque Rvodolfus supradictus omnia supradicta vera esse confiteor et sigillum meum presentibus appendo in evidentiam premissorum Dat apud sanctum Gallum anno domini MCC nonagesimo III idus iulii indicione tercia