Charter Document - 04060297

Omnibus Christi fidelibus presentes litteras inspecturis Cvonr de Warttenberg nobilis et miles subscriptorum noticiam cum salute Noverint universi tam posteri quam presentes quod ego decimam quam Berhtoldus de Hemmenhofen ibidem a me in feodum tenuit et possedit quamque ego ab honorando in Christo [] dei gratia abbate monasterii sancti Galli et ab ipso monasterio in feodum habui ad petitionem dilectarum in Christo [] abbatisse et conventus monasterii in Feibach recepta resignatione eiusdem a Ber prefato eisdem abbatisse et conventui ipsarumque monasterio libere resignavi ipsamque decimam cum omnibus suis pertinentiis in eas et ipsarum monasterium de consensu venerabilis patris ac domini R dei gratia Const[antiensis] episcopi donationis titulo transtuli habendam et possidendam perpetuo pacifice et quiete sine cuiusvis obice contradictionis adhibitis per me in omnibus et singulis supradictis verborum ac gestuum sollempnitatibus debitis et consuetis Et in evidenciam premissorum ipsorumque perpetuam et incommutabilem firmitatem presens instrumentum conscribi feci et sigillorum venerabilis patris ac domini R dei gratia Const[antiensis] episcopi predicti ac mei robore communivi et communiri procuravi Nos R dei gratia Const[antiensis] episcopus ad petitionem supradicti nobilis de Warttenberg premissis omnibus et singulis consentientes appendimus presentibus sigillum nostrum Testes autem qui presentes fuerant sunt hii Lvtfridus plebanus et verus pastor in Volkarzhusun et Eberhardus de Stekboran monachus in Salem Ber de Hemenhofen H de Wesern Ber Cellerarius H Hospes senior H et C filii predicti Hospitis Her Sutor H dictus Gaisler Walth dictus Karrer de Martorf Actum in Tvttlingen anno domini MCCXCIIII kal febr