Charter Document - 04060296

Universis presentium inspectoribus Chunradus dei gratia abbas monasterii sancti Galli ordinis sancti Benedicti Constantiensis dyocesis Elisabeth eadem gratia abbatissa et [] conventus monasterii Thuricensis eiusdem ordinis et dyocesis affectum karitatis Noverint quos nosse fuerit oportunum quod cum Chunr dictus Lindower civis Thuricensis nobis videlicet abbati et conventui monasterii nostri iure servitutis pertineret et idem nobis minus utilis et fructuosus existeret eo quod a nobis remotus Thuregi inter homines et bona monasterii Thuricensis iam circiter triginta annos resederit et adhuc resideat ab honere servitiorum erga nos immunis et cum Chunr dictus Traber de Gundolzhusen nobis videlicet abbatisse et conventui monasterii Thuricensis iure servitutis pertineret et idem similiter nobis minus utilis foret eo quod et ipse a nobis remotus apud Gundolzhusen inter homines et bona monasterii sancti Galli iam diu resederit et adhuc resideat similiter ab honere serviciorum erga nos immunis nos abbas predictus tractatu non semel sed pluries cum conventu nostro super permutatione predicti Chunr Lindowers pro prefato Chunr Traber facienda prehabito non dubitantes id monasterio nostro fore profuturum auctoritate et mandato ab ipso nostro conventu super ipsa permutatione perficienda acceptis nos etiam abbatissa et conventus monasterii Thuricensis similiter tractatu pluries inter nos super huiusmodi contractu celebrando prehabito non dubitantes id nobis fore profuturum in nomine domini permutationem predictarum hinc inde inter nos fecimus personarum ita ut predictus C Traber cum filiis quos iam habet vel in posterum habuerit monasterio sancti Galli iure servitutis secundum morem et consuetudinem ipsius monasterii hactenus observatam sit obligatus et predictus Chunr Lindower cum filiis quos iam habet vel in posterum habuerit monasterio Thuricensi iure servitutis similiter secundum morem et consuetudinem ville Thur[icensis] hactenus observatam sit obligatus Promisimus etiam hinc inde inter nos et presentibus promittimus pro nobis nostrisque successoribus quod premissum contractum numquam impugnabimus per nos vel per alios verbo vel facto sed quod ipsum ratum habebimus renunciantes mutuo inter nos restitutionis in integrum doli mali et in factum actionibus et exceptionibus et generaliter omni actioni exceptioni defensioni iuri consuetudini privilegio constitutioni et auxilio legum et canonum per que huiusmodi contractus aliqualiter posset immutari et specialiter legi que dicit generalem renuntiationem non valere Acta sunt hec Thuregi in monasterio nostro videlicet abbatisse et conventus predictorum anno domini millesimo ducentesimo nonogesimo quarto non ianuarii indict tercia presentibus domino Volrico de Jegisdorf domino [] de Tufen seniore monachis monasterii loci Heremitarum domino Volrico Giel de Glatteburg domino Eberardo de Eilggoewe domino Ruedegero Manessen seniore militibus domino Rudolfo clerico de Rorschach domino Richwino vicario ecclesie in Obernchilch Burkardo dicto Omo Berchtoldo dicto Bruner cive Thuricensi et aliis pluribus fide dignis Et in testimonium et evidentiam premissorum nos Chunr abbas antedictus sigillum nostrum pro nobis et conventu nostro et nos Elisabeth abbatissa et conventus monasterii Thuricensis sigillum nostrum videlicet abbatisse quo et nos conventus utimur cum proprium non habeamus huic carte seu instrumento apponi fecimus et appendi anno loco die et indictione prenotatis