Charter Document - 04060294
| Charter Number: | 04060294 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1290 |
| Date type: | Internal, A.D., Calendar |
| Resource Link(s): |
Monasterium.net |
Charter:
In nomine domini amen [] dei gratia abbas monasterii sancti Galli universis ac singulis presentium inspectoribus presentibus et futuris salutem et noticiam subscriptorum Ne gesta mature et legitime suo robore priventur expedit ut scriptorum indiciis muniantur Ea propter ad universitatis singulorum noticiam cupimus presentibus pervenire quod cum discreti viri Ludewicus dictus de Affenstain miles et [] dictus Braemberc ministeriales monasterii sancti Galli ceterique ipsorum consortes et quorum interest venerabilibus in Christo [] abbatisse et conventui monasterii in Bunde ordinis Cisterciensis Constantiensis dyocesis quasdam possessiones ad se iure proprietatis pertinentes pure vendiderint pro certa peccunie quantitate ac etiam in remedium animarum suarum donarint sicut in instrumentis exinde confectis plenius continetur nos eidem venditioni ac donationi consensum nostrum plenum et expressum adhibentes ipsam approbamus ratam habemus ac per manum nostram fore factam cum omni sollempnitate debita et consueta scriptis presentibus profitemur In cuius rei testimonium atque robur presentibus sigillum nostrum duximus appendendum Dat Campidone anno domini MCC nonagesimo nono kalen octobris inditione tercia