Charter Document - 04060289
| Charter Number: | 04060289 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1290 |
| Date type: | Internal, A.D., Calendar |
| Resource Link(s): |
Monasterium.net |
Charter:
Universis presentium inspectoribus Chvonradus dei gratia abbas monasterii sancti Galli ordinis sancti Benedicti Constantiensis dyocesis noticiam subscriptorum Noverint quos nosse fuerit opportunum quod Chvonradus dictus Traber quem reverende in Christo E dei gratia abbatissa monasterii Turicensis suusque conventus pro Chvonrado dicto Lindovwer civi Turicensi nobis ac nostro monasterio prout in litteris super hoc confectis continetur de communi consensu permutarunt ex conditione singulis annis ratione servicii servitutis dare debet et persolvere unum solidum denariorum usualis monete pro tempore vite sue nobis nostrisque in predicta abbacia successoribus sine qualibet contradictione non debet etiam per nos vel nostros successores occasione obitus predicti Chvonr Traber ab heredibus suis aliquod mortuarium seu caducum exigi vel aliquatenus extorqueri Ut autem hec firma et rata permaneant presentem cartam nostri sigilli munimine patenter communimus Dat apud sanctum Gallum XII kal mart anno domini MCCLXXXX indict IIII