Charter Document - 04060286

Chvonradus dei gratia abbas totusque conventus monasterii sancti Galli universis et singulis Christiane fidei professoribus ad quos presentes pervenerint subscriptorum noticiam et in domino caritatem Ad perseveranciam bone fidei contractuum et indulgenciarum stabilitatem roborandam utile visum est acta huiusmodi contractuum scripture testimonio perhennari Cum itaque nobilis vir Heinricus de Tengen torcularia sua sita in villa de Kussnach iuxta ripam laci Thuricensis cum omnibus pertinenciis attinenciis et utensilibus suis sub uno tecto contenta que torcularia attingunt ab omni parte possessiones religiosorum [] abbatis et conventus monasterii de Ruti venerabilibus in Christo [] abbati et conventui monasterii de Capella Cysterciensis ordinis Constanciensis dyocesis pro certa summa puri et legalis argenti ponderis Thuricensis videlicet decem et novem mar[carum] ac dimidie vendiderit pleno iure dicti abbas et conventus de Capella possessionem eorundem torcularium plenam pacificam et quietam apprehenderint et habuerint accessit ad nos Chonradus rector dicte ecclesie in Kussenach petens humiliter et devote ut scopozam que appellatur Sidelers doti eiusdem ecclesie pertinentem iure advocaticii una cum ipsa dote dicto nobili attinentem ac ad nos nostrumque monasterium iure proprietatis spectantem contiguam curie dictorum de Capella ab uno latere ab alio vero contigua curie H Peregrini senioris civis Thuricensis cum prefatis religiosis de Capella pro torcularibus antedictis permutare sineremus ex eo quod ipsi ecclesie de Kussenach huiusmodi permutatio existeret fructuosa Nos ipsius rectoris petitioni annuentes et considerantes utilitatem dicte ecclesie de Kussenach necnon ecclesie nostre sancti Galli propter recompensam factam in torcularibus antedictis recepta resignatione ipsius scopoze ad manus nostras libera et expressa ab ipso rectore et a prefato nobili qui ius advocaticii in dicta scopoza a nobis et nostro monasterio una cum predicta dote iure homagii tenebat in feodum prefatis de Capella ipsam scopozam cum omnibus suis pertinenciis et continenciis in quibuscumque rebus vel possessionibus consistant et redditus duorum quartarium tritici mensure Thuricensis que solvi predicte ecclesie consueverunt de agro Celtenbvol necnon vites dimidii iugeris sitas in loco qui dicitur an dem Riette concessimus et concedimus presentibus pleno iure proprietatis libere et quiete perpetuo possidendas et consensum nostrum liberum et expressum ac auctoritatem huic permutationi et resignationibus adhibemus presencium per tenorem accedente ad hoc nichilominus consensu et assensu dyocesani sicut in litteris suis super hoc concessis plenius est expressum Iidemque [] abbas et conventus de Capella prefato [] rectori possessionem et proprietatem ipsorum torcularium coram nobis libere et manualiter assignarunt et ipse rector possessionem eiusmodi dictorum torcularium vacuam apprehendit Preterea ad uberiorem evidenciam omnium premissorum renunciamus pro nobis nostroque monasterio ac successoribus nostris omni actioni exceptioni constitutioni consuetudini generali et particulari litteris a sede apostolica impetratis aut etiam impetrandis edicto edito vel edendo et breviter omni auxilio iuris canonici et civilis ac omni suffragio per que prefata permutatio et concessio a nobis facta ut prehabitum est in toto vel in parte iacturam vel instanciam posset recipere aliqualem Et ut hec que premissa sunt omnia et singula perpetua stabilitate perseverent sigilla nostra huic instrumenta concessionis donationis et permissionis appendimus in rei memoriam sempiternam Datum apud sanctum Gallum anno domini MCCLXXXXV XIII kl aprilis indictione III Nos quoque prefati [] abbas et conventus monasterii de Capella et predictus Chonradus rector ecclesie in Kusnach ac Heinricus nobilis de Tengen omnia et singula que premissa sunt vera esse et de voluntate nostra expressa processisse presentibus profitemur et sigilla nostra videlicet [] abbatis de Capella quo et nos conventus utimur quia proprium non habemus ac predicti Chonradi rectoris et Heinrici nobilis de Tengen huic instrumenta una cum predictis sigillis appendimus in evidenciam eorundem Datum Thuregi anno domini et indictione prenotatis