Charter Document - 04060280

Universis Christi fidelibus ad quos presentes pervenerint Fridricus comes de Toggenburg subscriptorum noticiam cum salute Equitatis vigor postulat et ordo suggerit rationis quod eum in suis membris specialiter honoremus qui nostris non exigentibus meritis multiplicibus bonitatis sue donis inmeritos nos beavit ac proinde tenore presentium universitatis vestre noticie declaramus quod ad retribuendum domino pro omnibus que retribuit nobis ne nota ingratitudinis maculemur in remedium anime nostre et nostrorum progenitorum ac nostre salutis augmentum curiam nostram sitam in villa Tvnbrunne dictam kelnhof ad nos proprietatis titulo pertinentem reddentem annuorum reddituum novem modios tritici tria malt[er] avene unum modium fabarum mensure de Wile viginti duos solidos denariorum Constanciensium ovem valentem tres solidos et sex denarios dicte monete quatuor pullos et sexaginta ova cum iure patronatus ecclesie ibidem site et decimis ac dote cuius bona et redditus inferius specificabuntur cum advocatia reddente singulis annis unam libram denariorum monete predicte et hominibus ad eandem ecclesiam pertinentibus cum pratis pascuis aquis aquarumve deductibus viis et inviis cultis et incultis ac universis iuribus et pertinenciis ad dictam curiam ecclesiam seu dotem ecclesie predicte pertinentibus donavimus et titulo donationis transtulimus de consensu et voluntate venerabilis patris et domini nostri R dei gratia Constanciensis episcopi in viros honor[abiles] et religiosos [] abbatem et conventum monasterii in Rvti ordinis Premonstratensis Constanciensis dyocesis pure et simpliciter propter deum renunciantes pro nobis et nostris successoribus universis omni actioni exceptioni restitutioni in integrum litteris a sede apostolica seu aliunde impetratis aut decetero impetrandis omnique auxilio iuris canonici et civilis per que vel per quod predicta donatio posset inposterum retractari aut aliquatenus irritari Predia autem ad dotem pertinentia sunt hec In Tvnbrvnnen predium quod colunt Heinr et Wal dicti Gvsen reddens singulis annis octo modios et duo quartalia tritici et duo malter avene unum porcum valentem decem solidos et quatuor pullos et quinquaginta ova Item predium in Bramshoven reddens sex quartalia tritici Item predium in Trvongen quod colunt Bertol et Cvonr dicti Strazlvte et relicta [] dicta Mechlerin et filii sui reddens singulis annis tredecim modios tritici et duo malter avene duos porcos quorum unus valere debet octo solidos et alter septem quatuor pullos et quinquaginta ova Item scvoposa iuxta castrum Wile quam colit Cvonr minister de Witenwile reddens quatuor modios tritici et quinque solidos denariorum Testes huius rei sunt Rvodolfus sacerdos incuratus ecclesie sancti Petri Thuricensis Rvodgerus Manezze Heinr de Kloton Vol de Schoenenwert Cvon de Tveblenstein C de Steinmvr milites Vol dictus Snoede et Vol de Bvssenanch et plures alii fide digni In premissorum testimonium venerabilis patris ac domini R dei gratia Constanciensis episcopi prenotati et nostro sigillis presens scriptum fecimus sigillari Nos R dei gratia Constanciensis episcopus in premissorum evidentiam ad petitionem comitis prenotati nostro sigillo presentem cedulam fecimus sigillari Datum et actum Thuregi anno domini MCCLXXXIX kal maii indict secunda