Charter Document - 04060278
| Charter Number: | 04060278 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1289 |
| Date type: | Internal, A.D., Calendar |
| Resource Link(s): |
Monasterium.net |
Charter:
Cvnradus dei gracia abbas monasterii sancti Galli omnibus presentes literas inspecturis subscriptorum noticiam cum salute Cum dilecti in Christo [] prepositus et conventus monasterii in Ittingin ordinis sancti Augustini dyocesis Constantiensis religiosis dominabus [] priorisse et conventui monasterii Vallis sancte Katherine prope Dyesenhouen pro necessitate et utilitate sui monasterii vendiderint curiam dietam Dicki cum suis attinenciis et pertinenciis universis pro certa pecunie quantitate adhibita in eadem vendicione sollempnitate debita et consueta et a nobis petierint humiliter ac instanter ut cum monasterium predictum nobis inmediate in temporalibus sit subiectum eidem vendicioni consensum nostrum et auctoritatem dignaremur inpertiri Nos itaque considerantes vendicionem prefatam fore factam pro necessitate et utilitate monasterii prelibati et in ea observatam fore sollempnitatem debitam et consuetam ipsam scriptis presentibus approbamus et ratificamus et eidem nostrum consensum et auctoritatem adhibemus et presentibus inpertimur adhibitis per nos in premissis verborum ac gestuum sollempnitatibus debitis et consuetis Et in evidentiam ac firmitatem incommutabilem premissorum presentes literas conscribi fecimus et sigilli nostri robore conmuniri Datum apud sanctum Gallum anno domini MCCLXXXIX quarto kal augusti indic secunda