Charter Document - 04060276
| Charter Number: | 04060276 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1289 |
| Date type: | Internal, A.D., Calendar, Regnal |
| Resource Link(s): |
Monasterium.net |
Charter:
Rudolffus dei gratia Romanorum rex semper augustus universis sacri Romani imperii fidelibus presentes litteras inspecturis gratiam suam et omne bonum Cum sicut nobis innotuit quidam sub iurisdictione abbatum sancti Galli constituti a quibusdam abbatibus qui nondum a nobis erant investiti de regalibus ius civium receperint quam quidem recepcionem nullius iuris rigor approbat vel admittit Nos volentes recepta huiusmodi iniuste et illicite iura civium reprobare vobis universis et singulis regio hoc edicto mandamus quatenus tales qui iura premissa receperunt enormiter pro servis habeatis ut prius ante recepcionem extiterant ac ipsos a legitimis civium iuribus prorsus iudicetis expertes cum premisse recepciones utpote illegittime facte sint irrite ac inanes Dat Basilee X kl augusti anno domini MCCLXXX nono regni vero nostri anno XVI