Charter Document - 04060274
| Charter Number: | 04060274 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1289 |
| Date type: | Internal, A.D., Calendar |
| Resource Link(s): |
Monasterium.net |
Charter:
Venerabili patri ac domino suo Rudolfo dei gratia episcopo Constantiensi Dietricus de Altstetten miles et Vedelhildis uxor sua legittima subiectionem devotam cum obsequiosa ad quevis beneplacita voluntate Vestre circumspectioni presentibus intimamus quod nos de consensu expresso Waltheri filii nostri possessiones nostras olim proprietarias et ecclesie vestre per nos libere resignatas ac receptas denuo per nos a vobis titulo feodi possidendas ut nobis decedentibus nostri liberi ius succedendi haberent plenius in eisdem que quidem possessiones dicte an der Egge site sunt in confinio villarum Gvttingen et Altnovwe et quas a nobis cum omnibus suis pertinenciis et iuribus universis [] cappellani et sacerdotes altarium ecclesie vestre Constantiensis et aliorum altarium vicinorum habentes fraternitatem et consorcium ac societatem communiter pro undecim libris denariorum monete Constantiensis nobis per ipsos traditis et assignatis et in utilitatem nostram evidentem conversis prout scriptis presentibus recognoscimus et confitemur rite et legitime compararunt iusto et vero titulo empcionis de consensu eorundem sacerdotum et ad ipsorum peticionem instantem cum suis pertinentiis et iuribus universis vestre paternitati cum omni iure quod nobis competiit aut competere potuit in eisdem scriptis presentibus rite ac legitime resignamus supplicantes vobis precum instancia qua possumus ampliori quatenus memoratis sacerdotibus ipsorumque altaribus possessiones predictas cum suis attinenciis universis tradere dignetur vestra paternitas donare ac assignare ab ipsis suisque altaribus perpetuo quiete et pacifice possidendas et ne per me Vedelhildim prefatam super dictis possessionibus in posterum eisdem sacerdotibus questio aliqua moveatur de non repetendis eisdem possessionibus sponte et voluntarie sacramentum prestiti corporale utens sigillo mariti mei predicti in hoc instrumento cum proprio caream sigillo Ego etiam Dietricus de Altstetten pro me et uxore mea predicta ad sui peticionem in evidentiam premissorum appendi presentibus sigillum meum Ego vero Walt de Altstetten supradictus consenciens omnibus et singulis supradictis cum proprio caream sigillo pro me huic instrumento sigillum Hainrici incurati ecclesie in Bernanch appendi procuravi Dat Altstetten anno domini MCCLXXXIXXII kl maii indic secunda