Charter Document - 04060271
| Charter Number: | 04060271 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1289 |
| Date type: | Internal, A.D., Calendar |
| Resource Link(s): |
Monasterium.net |
Charter:
R dei gratia Const[antiensis] episcopus dilectis in Christo universis Christi fidelibus ad quos presentes pervenerint salutem in domino sempiternam Cum honor[abiles] viri [] abbas et conventus monasterii sancti Johannis in Turtal nostre dyocesis ex contractibus pro suis necessitatibus celebratis diversis debitorum oneribus onerati suis necessitatibus que sustinuerunt ex in comodo usurarum que sortem contractuum excedebant eisdem suis necessitatibus communicato consilio consulere melius non valerent cum ex rebus mobilibus seu hiis que servando servare non poterant nulla sufficiencia eis esset ad obviandum necessitatibus prenotatis quam quod ad vendicionem rerum immobilium suarum extenderent manus suas ac proinde inspecta sui monasterii utilitate quandam suam curtem sitam in Hedwanch cum molendino eidem adiacenti et eorundem pertinenciis universis quorum reditus ad quinque libras denariorum monete Const[antiensis] sunt estimati vendiderint viris religiosis [] abbati et conventui monasterii de Petri domo pro certa pecunie quantitate emptionis titulo perpetuo cum suis quibuscumque obvencionibus et iuribus possidendam Nos eandem vendicionem ratam et gratam habentes ipsam auetoritate ordinaria confirmamus Dat Rinaugie anno domini MCCLXXXIX non marcii