Charter Document - 04060267
| Charter Number: | 04060267 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1288 |
| Date type: | Internal, A.D., Calendar |
| Resource Link(s): |
Monasterium.net |
Charter:
Universis Christi fidelibus presencium inspectoribus Cunr miles dictus de Schalkon noticiam rei geste Memoria hominum labilis vitaque brevis ammonent ea que geruntur in tempore ne per oblivionem a memoria decidant scripti testimonio perhennare Noverit igitur universitas vestra quod Dietricus dictus de Wangen filius magistri Heinrici quondam de Wangen omne ius quod hactenus habuit in quibusdam bonis sitis in Hirsindowe videlicet in bonis seu pratis Burkardi quondam de Gesesse Heinr dicti Gudels et Volr fratris sui filiorum Eberh quondam de Vspe et in pratis dictorum Elsessers et Banwartes et in omnibus aliis bonis seu pratis predicti Dietrici sitis ibidem que in feodum ab illustri domino Fridrico comiti de Toggenburg habuit coram me resignans cenobio sancte Marie in Ruti ordinis Premonstratensis sponte libere ac pacifice pro se suisque heredibus contulit et donavit renuncians bona fide omni iuri quod sibi in eisdem bonis hactenus modo aliquo competebat seu competere videbatur In cuius rei evidenciam presens scriptum sigilli mei munimine roboravi Actum et datum in Castro in Windegga anno domini MCCLXXXVIII III non may presentibus hiis Johanne abbate Rutinensi fratre Diethelmi nobili de Regensperg Volr dicto Langenakker Symon de Lindon Walther de Brunnon