Charter Document - 04060253
| Charter Number: | 04060253 |
|---|---|
| Cartulary Title: | Chartularium Sangallense IV [St. Gallen] |
| Charter Language: | German |
| Charter Origin: | Religious |
| Charter Type(s): | Gift |
| Date: | 1287 |
| Date type: | Internal, A.D., Feast |
| Resource Link(s): |
Monasterium.net |
Charter:
In nomine domini amen Wir abt Wilhelm von gottes gnaden ze sante Gallen kvnden allen die disen brief sehint alder iemir hoerent gilesen daz wir vnsren liebin herrin herzog Albreht vnt herzog Rvodolf von Oestirrich haben virluhin swaz wir vnt vnser burger vnt vnsirs gotshus gibur hant zi der nuwen stat zi Swarzinbach inrunt dez vssirn bortes dez graben der iezunt vmbe die selbvn stat gigraben ist vnt daz wir daz den vorginanten vnsren herron den herzogon son vertigon also daz si ez von vns vnt von vnsirm gotshus haben zi lehin Vnt daz dis stete vnt veste bilibe so henken wir vnsir insigel an disen brief Dir brief wart gebin zi sante Gallen do man von gottes giburte zalte zwelfhundirt iare in dem sibin vnt ahtzogsten iare an dem mentag nah sant Thomans tag