Charter Document - 04060250
| Charter Number: | 04060250 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1287 |
| Date type: | Internal, A.D., Calendar |
| Resource Link(s): |
Monasterium.net |
Charter:
Universis Christi fidelibus Sifridus Coloniensis Arnoldus Babenburgensis Cunradus Argentinensis frater Cunradus Thulensis Reinboldus Erstetensis H Merspurgensis Emcho Frisingensis Gerhardus Brandenburgensis Be Herbipolensis Bruno Brixinensis Fridricus Curi[ensi]s Syfridus Augustensis ecclesiarum episcopi salutem in domino sempiternam Et sy ex meritis pervenitur ad premia ut tamen Christi fideles per premia ad merita perducamus ipsos ad conplacendum ei qui premia largitur eterna indulgenciis et remissionibus invitare satagimus ut exinde reddantur divine gratie aptiores Cupientes itaque ecclesiam sancti Magni confessoris extra muros oppidi sancti Galli dignis preconiorum laudibus frequentare omnibus vere penitentibus et confessis qui ad eandem ecclesiam anniversariam dedicationis in festivitatibus patronorum beati Magni in exultacione sancte crucis et beate Wiborade virginis et martiris necnon in dedicacione eiusdem altaris et per octavas eorundem annuatim propiciacionis graciam petituri cum devocione accesserint quique ad fabricam eiusdem ecclesie suas largiti fuerint elemosinas et alia eidem inpenderint opera pietatis de omnipotentis dei misericordia et beatorum appostolorum Petri et Pauli auctoritate confisi unusquisque nostrum XL dies de iniuncta sibi penitencia sy dyocesani consensus accesserit misericorditer in domino relaxamus Dat in concilio Herbipolim anno domini MCCLXXX vii XII kl appril indictione XV