Charter Document - 04060249
| Charter Number: | 04060249 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1287 |
| Date type: | Internal, A.D., Calendar |
| Resource Link(s): |
Monasterium.net |
Charter:
Frater Heinricus Syfridus et Gyselbertus sanctarum Magunt[ine] Coloniensis et Bremensis ecclesiarum archiepiscopi Emcho Frisingensis Rudolfus Constanciensis Arnoldus Babenbergensis Conradus Argent[inensis] Petrus Basiliensis Fridericus Curiensis Bertoldus Herbipolensis Borchardus Metensis Wernhardus Patauiensis Hernidus Gurzensis Reynboto Eystetensis Conradus Virdensis Witego Missenensis Conradus Tullensis Bruno Brixiensis Conradus Lauantinus et Sifridus Augustensis dei gratia episcopi universis Christi fidelibus salutem in eo qui est omnium vera salus Licet is de cuius munere venit ut sibi a fidelibus suis digne et laudabiliter serviatur ex habundancia pietatis sue que merita supplicum excedit et vota bene operantes pro apportato lucro remuneret torpentes autem ab opere bono dampnet ad imitacionem tamen sacrosancte matris ecclesie adopcionis sue filios per antidota consolacionum spiritualium invitantis ad execucionem operum pietatis in vestra universitate acceptabilem tanto magis domino populum reddere cupientes quanto capacitati divine gracie vos reddideritis apciores Vestram rogamus et monemus in domino caritatem et in remissionem vobis iniungimus peccatorum quatenus cum religiose et in Christo dilecte [] abbatissa et conventus monasterii in Maggenowe Cysterciensis ordinis Constanciensis dyocesis de suis nequeant facultatibus sustentari vestris eas elemosinis adiuvetis Nos enim omnibus vere penitentibus et pure confessis qui in quatuor festivitatibus beate virginis eiusdem monasterii limina visitarint propiciacionis graciam quesituri quique eidem monasterio suas largiti fuerint elemosinas de omnipotentis dei misericordia et beatorum apostolorum eius Petri et Pauli meritis et auctoritate confisi singuli quadraginta dies criminalium et annum venialium si de consensu dyocesani processerint misericorditer in domino relaxamus Nos quoque Rudolfus dei gracia Constanciensis episcopus ratas et gratas habentes predictas indulgencias nostrum consensum concessis et concedendis huiusmodi indulgenciis dictarum abbatisse et conventus benefactoribus exhibemus Datum in concilio Herbipolensi anno domini millesimo CCLXXX septimo XV kaln aprilis