Charter Document - 04060248

Omnibus presentium inspectoribus Wil dei gratia abbas monasterii sancti Galli necnon Vol comes de Monteforti noticiam subscriptorum Confitemur presentibus publice protestando Ber iudeo de Lindaugia in XX marcis minus una argenti puri et legalis ponderis Lindaugiensis nos teneri pro quibus eidem iudeo constituimus fideiussores infrascriptos videlicet Volricum Wiman Hermannum Sender Vol Rienoldum Alber Struben cives Lindagienses dictum Hilfelin et dictum Schowinger cives de Pregantia ita si eandem pecuniam in festo beati Viti non persolverimus proximo venturo ex tunc ipsi fideiussores data fide nomine iuramenti se aput Lindaugiam super nostrum dampnum et dicti cives de Pregantia aput Pregantiam tenentur recipere in obstagium ammonitione premissa inde non recessuri quousque predicto iudeo tam de XX marcis minus una quam de usura que a proximo festo beati Viti transacto sex denariis singulis septimanis de qualibet marca computatis fideiussoribus in obstagium sive non commorantibus excreverit per nos plenarie fuerit satisfactum Insuper si aliquem predictorum fideiussorum de medio revellet interitus alium ydoneum infra mensem constituere tenemur quod si non fecerimus reliqui se recipiant in obstagium donec alium in vicem illius locaverimus penitus sine dolo hoc etiam adiecto quod si aliquis predictorum fideiussorum in alio obstagio ante ammonitione premissa fuerit ocupatus alium loco sui equivalentem subrogare tenetur In huius rei presens instramentum sigillorum nostrorum memorato iudeo dedimus communitum Dat anno domini MCCLXXXVII VI n marcii indictione XVI