Charter Document - 04060245

R dei gratia Constanciensis episcopus omnibus presentium inspectoribus affectum karitatis Ne contractus qui ex bona fide oriuntur per lapsum temporis memoria hominum deficiente in aliquo valeant calumpniari expedit ea que aguntur apicibus publicis ad noticiam perducere posteronim Noverint igitur quos nosce fuerit oportunum quod predilecta in Christo Elizabeth uxor domini Lvdowici comitis de Homberc auctorante et consentiente dicto Lvdowico curtim suam in Obrvntvnretvn quam colit Volricus dictus Loewo reddentem annis singulis IIII modios tritici mensure Thuricensis et porcum valentem V solidos ac ius advocatie quod habuit in bonis universis sitis ibidem reddens III modios tritici et II quartalia tritici VII quartalia avene vel IX solidos cum IIII denariis et advocatiam dotis ecclesie in Bvschilchvn reddentem II solidos denariorum ac etiam advocatiam in Vnderbach reddentem I modium tritici et II quartalia avene et III solidos denariorum minus IIII denarios necnon ius percipiendi scapulas porcinas quod ibidem habuit honorandis in Christo [] abbati et conventui monasterii in Rvti ordinis Premonstratensis predicte dyocesis cum omni iure suo seu pertinenciis videlicet banno districtu aggressibus et egressibus aquis aqueve ductibus ac aliis servitutibus cum hiis que habent supra infra vel intra se iure proprietatis possidenda vendidit ac tradidit sponte et libere pro XXV marcis et dimidia argenti ponderis Thuricensis quas se recepisse et in usus suos convertisse presentibus recongnoscit ac eisdem licenciam dat ingrediendi et apprehendendi corporalem possessionem bonorum et iurium predictorum Preterea prefata Elizabetha auctorante viro suo predicto dicto abbate et conventu suo stipulante promisit pro se et heredibus suis warandiam de bonis antedictis suis expensis in omni loco et iudicio quocumque videlicet ecclesiastico vel seculari Debet autem iuxta condicionem in ipso contractu prehabitam predictus contractus evanescere et rescindi si predicta Elizabetha vel sui heredes prefata bona seu iura pro dicti precii quantitate re emerint usque ad nativitatem domini proximam et deinde ad annum proximum alioquin dictus contractus ex tunc absque recisione aliqua robur perpetuum obtinebit Ceterum predicto contracto per lapsum dicti temporis confirmato prefata Elizabetha nullo ingenio seu facto per se vel alios actione exceptione iure aliquo publico vel privato consuetudine rescripto privilegio obtentis vel obtinendis venire debet contra contractum predictum nec ipsum aliqualiter impugnare Porro si bona vel iura prefata a predictis abbate et conventu vel eorum successoribus per quemeumque fuerint evieta ipsa Elizabetha eiusque heredes vice rerum evietarum et interesse ad solutionem XXX marcarum argenti ponderis predicti quas de ipsa abbas et conventus sunt stipulati erunt modis omnibus obligati In quorum omnium evidenciam et robur presens carta sigillis nostro et abbatis et conventus predictorum neenon Lvdowici et Elizabethe predicte patenter roboratur Acta sunt hec apud castrum Raprechswile anno domini MCCLXXXVI indict XV in festo Kalixsti presentibus Rvodolfo nobili de Bechburc milite et Heinrico de Ebinoeth ministro in Grifense ac aliis fide dignis Dat Rinaugia anno predicto in die sancti Luce ewangeliste Nos abbas et conventus predicta omnia et singula esse vera recongnoscimus et fatemur et hanc paginam sigillo prefati domini nostri episcopi predicti petivimus et obtinuimus roborari et in predictorum testimonium sigilla nostra apponi fecimus et appendi Nos Lvdowicus et Elizabetha suprascripti in recongnitionem prescriptorum sigillis prefati domini nostri episcopi Constanciensis et nostris hanc paginam iussimus communiri