Charter Document - 04060242

Omnibus Christi fidelibus presentes litteras inspecturis Fridricus de Togginburk comes subscriptorum noticiam cum salute Noverint universi tam posteri quam presentes quod ego attendens summam esse racionem que pro religione facit favore religionis et divine intuitu retribucionis omne ius quod mihi compeciit in iuribus patronatus et in iuribus advocaciarum ecclesiarum in Merwiller et in Affiltrangin dyocesis Constantiensis una cum filiis meis Fridrico et Kraftone cum hominibus et universis pertinenciis annexis iuribus patronatus predictarum ecclesiarum de consensu venerabilis patris ac domini R dei gratia episcopi Constantiensis dilectis in Christo magistro et fratribus domus hospitalis sancti Johannis in Thobil predicte dyocesis ipsique domui dono cedo trado in ipsosque et domum eandem transfero libere et absolute omnique iuri una cum filiis meis predictis accedente consensu prefati domini mei R dei gratia episcopi Constantiensis quod mihi compeciit aut competere potuit in premissis iuribus patronatus ecclesiarum cum omnibus hominibus eis annexis ipsorumque attinenciis universis ad manus viri discreti fratris H magistri domus in Thobil nomine domus eiusdem expresse renunciavi et renuncio per presentes obligans nichilominus me una cum filiis meis predictis meosque quicumque pro tempore fuerint successores per stipulacionem sollempnem ad subeundum in premissis iuribus patronatus ipsarum ecclesiarum ipsorumque attinenciis universis et specialiter in omnibus hominibus eis annexis pro dictis magistro et fratribus seu pro ipsa domo in Thobil in omni iudicio ecclesiastico civili seculari seu forensi omne periculum dampni et evictionis si eisdem aut ipsorum domui super dictis iuribus patronatus que in ipsos cum hominibus ac pertinenciis eis annexis de consensu memorati domini R dei gratia episcopi Constantiensis una cum Fridirico et Kraftone filiis meis prefatis iure transtuli proprietatis a quocumque vel a quibuscumque unquam moveri contingerit questionem aut super hominibus eis annexis quocumque nomine censeantur et cuiuscumque sexus fuerint ipsorumque pertinenciis quibuscumque adhibitis per me meosque filios supradictos in omnibus et singulis premissorum verborum ac gestuum sollempnitatibus debitis et consuetis Insuper iterum me filiosque meos sepe dictos F et C et heredes meos successores in posterum quoscumque obligo ad maiorem et super magis habundantem cautelam pro nominatis magistro et fratribus dicte domus in Thobil in premissis iuribus patronatus et advociarum ecclesiarum predictarum et presentibus protestor quod ipsas iure proprietatis eis in nomine domini donavi contra quoscumque inpetitores de mundo warandiam prestaturus Et in evidenciam omnium premissorum ipsorumque perpetuam et incommutabilem firmitatem presens instrumentum prelibatis magistro et fratribus domus in Thobil tradidi sigillorum reverendi patris ac domini R dei gratia episcopi Constantiensis predicti quo et filii mei cum propriis sigillis careant sunt contenti ac mei robore communitum Nos R dei gratia episcopus Constantiensis supradictis omnibus et singulis consensum nostrum expressum et auctoritatem benivolam inpertimur appendentes ad firmitatem perpetuam premissorum necnon ad peticionem prefatorum Friderici de Togginburk comitis sigillum nostrum Datum et actum Thobil anno domini MCCLXXXVI non iunii coram domino H de Griessinberk domino Hermanno de Bovnstetin magistro C dicto Fpheffirhart canonico ecclesie sancti Johannis Constantiensis domino C milite de Glotun Wernino filio eius domino Eppen de Zezinkon Volrico de Lewinberc C fratre suo fratre Burch dicto de Livbistorf fratre H de Lewineg fratre Jacobo dicto Betler testibus ad hoc vocatis pariter et rogatis et aliis pluribus fide dignis In domino feliter amen