Charter Document - 04060235
| Charter Number: | 04060235 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1285 |
| Date type: | Internal, A.D., Feast |
| Resource Link(s): |
Monasterium.net |
Charter:
Universis presentes visuris ego soror Eligenta abbatissa sororum sancte Clare in Vriburgo Brisgawie totusque conventus noticiam subscriptorum Noverint universi quos nosse fuerit oportunum quod nos dicte sorores ordinis antedicti amicabiliter composuimus cum domino preposito dicto portario de sancto Gallo videlicet domino [] de Ramstein super censu bonorum in Ebringen que frater Nicolaus Reitich bone memorie contulit claustro nostro et super omni iure et consuetudine dictum dominum [] prepositum ratione antedictorum bonorum nostrorum in Ebringen nomine census vel honorarii quod vulgariter dicitur erschaz vel quocumque iure vel consuetudine contingente tali conditione ex parte claustri nostri et ex parte sepe dicti domini [] prepositi libere et voluntarie acceptata ut videlicet secundum arbitrium arbitrorum scilicet fratris Rvodolfi de Grvnberc domini Colmanni militis Vriburgensis Heinrici advocati de Ebringen et Werenheri procuratoris prepositi sepe fati in quos libere ex parte nostra et ex parte domini prepositi est totum negotium compromissum nos antedicte sorores daremus XXX solidos monete Vriburgensis pro censu presentis anni et pro censu neglecto per incuriam vel oblivionem et pro honorario et pro omni iure et consuetudine sepe dictum prepositum in dictis bonis in Ebringen contingente et prepositus pretaxatus fratrem nostrum conversum dictum Volradum omni iure et consuetudine in dictis bonis nostris in Ebringen infeodaret nomine claustri nostri ita ut quandocumque personam vel manum contingerit permutari honorarium ad equalitatem census bonorum nostrorum censualium monasterio sancti Galli in Ebringen qui census est annuatim VI solidi minus uno denario et XV den[arios] claustrum nostrum domino preposito antedicto tantundem persolvat Nos autem antedicte sorores omnia antedicta rata et firma servantes XXX solidos plenarie solvimus et dedimus preposito sepe dicto dictos denarios quodam cive dicto Clingen cum filio suo recipiente in Vriburgo presentibus domino Hugone de Munzingen et domino Hugone de Crozzingen militibus et Jacobo de Valkenstein nobili Heinr advocato de Ebringen et Werhero procuratore et aliis fide dignis hoc pacto adiecto quod quando presentes sigillo claustri nostri munite darentur Heinr advocatus in Ebringen posset et deberet Volradum conversum nostrum nomine claustri nostri omni iure et consuetudine curie in Ebringen in bonis nostris censualibus infeodare In horum omnium verum et firmum testimonium presentes sigillo conventus nostri fecimus communiri Dat Vribugi anno domini MCCLXXXV sexta feria proxima post festum sancti Galli