Charter Document - 04060232
| Charter Number: | 04060232 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1285 |
| Date type: | Internal, A.D., Calendar |
| Resource Link(s): |
Monasterium.net |
Charter:
Wilhelmus dei gratia abbas sancti Galli omnibus Christi fidelibus presens scriptum intuentibus salutem cum noticia subscriptorum Ut ea que geruntur in tempore oblivionis caligine vel cuiusvis doli ingenio nequeant aboleri prodest ipsa scripturarum et testium indiciis perhennari Ad noticiam igitur universorum ac singulorum contextu presencium cupimus devenire quod cum vir discretus Lutoldus de Smidberg qui nostro monasterio iure pertinet servitutis nobis et nostro monasterio grata serviciorum genera hactenus impenderit possessiones sive curias Obrenwise necnon Honwart nostro monasterio pertinentes taxatas ut annis singulis quatuor libras monete Constan[tiensis] in redditibus valere debeant emere a nobis ut sue eas utilitati applicaret desideraret nos exigencie meritorum suorum cupientes grata vicissitudine respondere receptisque nichilominus ob hoc ab eo quinquaginta libris monete Constan[tiensis] quas nobis appensas integraliter et in utilitatem nostri monasterii conversas presentibus confitemur memoratas possessiones sive curias monasterii nostri sepefati dictas Obruenwise et Honwart accedente voluntate et consilio et assensu tocius nostri conventus sepefato Lutoldo donamus et donavimus tradimus et tradidimus necnon contulimus cum omnibus et singulis pertinenciis iuribus et integritate hominibus ad curias sive possessiones easdem pertinentibus dumtaxat exceptis quos a nostro monasterio nullatenus transferimus nec alienamus sibi suisque liberis seu heredibus iusto feodi titulo quiete et pacifice ex nunc inantea possidendas Promittimus nichilominus bona fide quod nos memoratum Lutoldum et heredes suos quos earundem curiarum sive possessionum possessores fieri continget circa perceptionem reddituum earundem possessionum et quietam possessionem iurium eisdem attinencium nullatenus inquietabimus nec impediemus sed pocius contra quoslibet ipsum vel ipsos heredes volentes vexare vel gravare tutele nostro patrocinio defendimus et ad hoc idem faciendum nostros obligamus qui pro tempore fuerint successores In horum autem evidenciam presentes sibi contradi fecimus sigillorum nostri nostrique conventus munimine roboratas Acta sunt hec in castro nostro Iberg anno domini MCCLXXXV V idus maii ind XIII presentibus viris discretis cappellano nostro de Ewil Nicol viceplebano in Watwile [] nobili viro Ffrider de Toggenburg comite iuniore Johanne de Luterberg et Jacobo fratre suo [] et aliis quam pluribus fide dignis in domino feliciter amen Datum apud sanctum Gallum anno et indiccione predictis XIII kl iunii