Charter Document - 04060223

Wilhelmus dei gratia abbas [] totusque conventus monasterii sancti Galli dyocesis Constantiensis omnibus presentium inspectoribus subscriptorum noticiam cum salute Ut ea que rite et rationabiliter peraguntur perseverent sub perpetua stabilitate scripturarum indiciis tenaci et incommutabili debent memorie commendari Noverint igitur universi tam posteri quam presentes quod cum Hermannus dictus amme Stade miles civis Scafusensis decimam laicalem sitam in Widistorf que ab antiquo a laicis titulo feodi possidebatur a viro discreto Eberhardo de Ailgovwe milite habuisset in feodum et possedisset idemque Eber eandem decimam inmediate a nobis et nostris predecessoribus in feodum habuisset nos facta resignatione ipsius decime per Hermannum antedictum ad manus ipsius Eber nostri ministerialis et eadem decima per eundem Eber de Ailgovwe ad manus nostras sollempniter resignata adhibitis in ipsis resignationibus verborum ac gestuum sollempnitatibus debitis ac consuetis deliberatione prehabita diligenti et tractatu sollempni premisso qui circa facta et negocia huiusmodi premittendus est iuxta canonicas sanctiones decimam prefatam cum omnibus suis iuribus et pertinentiis universis ad petitionem instantem memoratorum Eber de Ailgov et Her dicti amme Stade militum dilectis in Christo [] priorisse et conventui monasterii Vallis sancte Katherine apud Diessenhoven ipsique monasterio in Diezzenhoven concedimus et in ipsum monasterium dictasque priorissam et conventum transferimus pro censu annuo videlicet dimidia libra cere ad altare beati Galli in festo beati Martini annis singulis perpetuo presentanda possidendam et habendam cum omni utilitate in perpetuum sine cuiuslibet obice contradictionis data nichilominus per nos libera facultate memoratis [] priorisse et conventui ipsarumque monasterio transferendi ipsam decimam in quascumque personas voluerint sub onere census prefati adhibitis in premissis concessione et translatione sollempnitatibus debitis et consuetis Ceterum ne monasterio nostro sancti Galli quicquam lesionis videatur esse ex concessione et translatione huiusmodi decime irrogatum nobilis vir Mangoldus de Nellenburch comes receptis a memoratis priorissa et conventu centum marcis argenti puri et legalis ponderis Constantiensis in reconpensationem feodi decime predicte que a nobis habebatur in feodum et possidebatur proprietatem suarum possessionum in Burchtal dictarum Ramungez gvot cum lapicidinis ibidem sitis nobis et nostro monasterio tradidit habendam et possidendam perpetuo libere et absolute ipsasque possessiones cum prefatis lapicidinis a nobis Wilhelmo dei gratia abbate supradicto recepit possidendas et habendas titulo feodi homaialis Ut itaque ea que premissa sunt et quodlibet eorundem nullo unquam possint tempore violari renunciamus tam pro nobis quam pro nostris qui pro tempore fuerint successoibus nostroque monasterio circa premissa et quodlibet eorundem beneficio restitutionis in integrum litteris a sede apostolica vel aliunde impetratis aut etiam impetrandis defensioni non adhibite sollempnitatis auxilio consuetudinis generalis et particularis omnibus constitutionibus editis vel edendis omnique auxilio legum et canonum et generaliter omni suffragio tam in genere quam in specie quo mediante ea que premissa sunt vel ipsorum quodcumque possent quovis ingenio violari Et ad robur perpetuum omnium et singulorum premissorum presens instrumentum prelibatis priorisse et conventui tradimus sigillorum nostrorum et nobilis viri Mangoldi de Nellenburch comitis Eber de Ailgovwe et Her dicti amme Stade militum supradictorum robore communitum Nos Mangoldus de Nellenburch comes Eber de Ailgov et Her dictus amme Stade milites prefati recongnoscimus scriptis presentibus omnia et singula rite et rationabiliter fore peracta prout superius est expressum et ad certitudinem perpetuam eorundem presentibus appendimus sigilla nostra una cum appensione sigillorum reverendorum in Christo Wilh dei gratia abbatis totiusque conventus monasterii sancti Galli Datum et actum apud sanctum Gallum anno domini MCCLXXXV X kl april indict XIII Presentibus nobilibus viris Rvodolfo de Monteforti comite et Hainrico de Griezzenberch Marquardo de Veringen monacho monasterii sancti Galli Hainrico de Lovmaize milite magistro Hainrico de Herboltzhaim Walthero notario dicto Tihteler Volr dicto Lesti et Hainrico hern Wezzels de Winterture ac Hermanno plebano in Monte Vol de Hettelingen Egebrehto Geveterli H Zwiherre H de Velwen militibus Johanne dicto Cloter H dicto Lovpper Johanne de Scafusa [] Vrideboltz svn et Cvonr de Kiburch et aliis quam pluribus