Charter Document - 04060222
| Charter Number: | 04060222 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | |
| Date: | 1285 |
| Date type: | Internal, A.D., Calendar |
| Resource Link(s): |
Monasterium.net |
Charter:
Honorandis in Christo Wilhelmo dei gracia abbati totique conventui monasterii sancti Galli ordinis sancti Benedicti Constantiensis dyocesis Mangoldus de Nellenburch comes obsequiosam ad quevis beneplacita voluntatem Vestre circumspectioni presentibus innotescat quod ego proprietatem possessionum dictarum Ramungis guet apud Burchtal sitarum et proprietatem lapidicinarum ibidem sitarum tradidi donavi et trado ac dono sollempniter vobis vestroque monasterio scriptis presentibus inperpetuum habendam et possidendam in reconpensam possessionum videlicet hube et scopose apud Widistorf quas ibidem Hermannus miles dictus an dem Stade de Schafusa tenuit et possedit cuius quidem reconpense redditus longe excedunt valorem reddituum hube et scopose predictarum hoc acto ut proprietas hube et scopose prefatarum per vos libere et absolute in monasterium Vallis sancte Katherine prope Diesenhouen transferatur ab ipso monasterio perpetuo possidenda cuius rei gracia et causa de bonis meis proprietariis antedictis memoratam sufficientem et utilem vestro feci monasterio reconpensam Et quia huba et scopasa prefate a vestro monasterio in feodum tenebantur ego eciam a vobis domino Wilhelmo abbate predicto nomine et vice vestri monasterii possessiones antedictas dictas Ramungis gut et lapidicinas prenominatas recepi in feodum habendas et possidendas per me meosque heredes titulo feodali adhibitis per me in omnibus et singulis supradictis verborum ac gestuum sollempnitatibus debitis et conswetis Et in evidenciam premissorum presentes litteras conscribi feci et sigilli mei robore conmuniri Datum et actum apud sanctum Gallum anno domini MCCLXXX quinto decimo kalen aprilis indic XIII Presentibus nobilibus viris R de Monteforti comite et H de Griezzenberc Marquardo de Veringin monacho monasterii sancti Galli H de Lomaize milite magistro H de Herboltzhain Walt notario dicto Tichteler VoI dicto Lesti H de Winterture ac Her plebano in Monte Vol de Tetelingin milite Egebrechto Geveterli H Zwiherre H de Velwen Johanne dicto Cloter H dicto Lovpper Jo de Schafusa Vrideboltz sun et C de Kiburc et aliis pluribus fidedignis