Charter Document - 04060217
| Charter Number: | 04060217 |
|---|---|
| Cartulary Title: | Chartularium Sangallense IV [St. Gallen] |
| Charter Language: | German |
| Charter Origin: | Lay |
| Charter Type(s): | Grant |
| Date: | 1284 |
| Date type: | Internal, A.D., Feast |
| Resource Link(s): |
Monasterium.net |
Charter:
Ez son wissin alle die disen brief lesen alde horen lesen daz swester Elisabeht hern Rvodolffis saligin tohtir von Tivnrthon div da ist bi dien swesteron ze Wille vnde ir swestra alle drie vf hain gigen den Odinhof livte vnde gvot mime herren abte Wilhelme von sant Gallin da iro vogit zegegen waz herre Balbreht von Anwille vnde der swesteron ainiv von Wille bi dien si ist Vnde div vor genande swester Elizabet vnde die swestira bi dien si ist hain sich incigen aller der ane sprache die siv hetton vmbe livte vnde gut Diz vf gen vnde diz incien livte vnde gutes geschach ze Wile in dem jare do von gottis geburte waren tvsint vnde zweihundirt vnde ahcig jare dar nah in dem vierdin iare an dem nasten tage nah sant Pancracijn tult Da waz zegegine herre Hainrich der kilichherre von Surse herre Ebirhart von Bichilnse herre Cvonrad dir schenche von Landegge herre Hainrich dir vogit von Wartinse herre Walther von Lantsperc herre Balbreht von Anwille herre Ebirhart von Lovmeis herre Ebirhart von Sternegge herre Hainrich von Munichwille Rvodolf von Rottinberc Berhtholt Hozzo Cvonrad dir Brunthiller Vnde dc diz alles state belibe dar umbe haissit min herre abt Wilhelm von sant Gallin disen brief sigillin mit simme insigil ze ainem ewigen vrchunde