Charter Document - 04060201

Item do man zalt von der menschwerdung Christi MCCLXXXIII iar sind do zu mal die frowen vber ain kumen all mit ain andren also welhi vss irem goczhus kum nach der provesß es sig mutwilliklich oder durch verdienen das die berobet sol sin zitliches vnd gaistliches gucz [] Es sol och ain ietlichi schwoester dz geloben zu haltind in ir provesß vnd dz zu merung der observancz aines ordilichen lebens Vnd stond die schwoestren da benemt die sich des geaint hand des ersten Maechiltis von Rawil priorin Guten von Blattim supriorin Machthiltis von Balga Adelhait Serenin Hilta Judenta von Martpach Guta vnd Diemut von Raine Katherina von Merspurg Adilhait Voelin Adelhait Oeglin Adelhait von Algov Elisabet Voelin Ita von Huntwil Adelhait Veschenin Judenta Voelin Engeltrut von Appencel Gertrut Huterin Gertrut Harbergin Engeltrut von Kilchain vnd Goetlin Dissi obgenamten schwoestren warend do zu mal samlingerin Prediger ordens Disser vber kumnus habend wir ainen versigleten brief mit II sigeln des anfang stat also In nomine domini amen Ut instituta et ordinata a personis regularibus vnd ist diser brief vsen gezaichnet mit dem buchstaben E Dis ist beschechen mit verwilgung ir obren