Charter Document - 04060199
| Charter Number: | 04060199 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1282 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Rodolfus dei gratia Constantiensis episcopus notum facimus universis presentibus et posteris has litteras inspecturis ac audituris quod discretus vir sincere nobis dilectus Balbertus de Anniwiler miles noster ministerialis bonum seu terram suam nomine proprii allodii sibi pertinentem denominatam an der Hube cum omni iure et utilitate ac suis pertinentiis dedit et tradidit pro triginta marcis argenti [] magistro et pauperibus hospitalis in Constantia sancti Spiritus titulo legitime emptionis in perpetuum possidendam petens idem Balbertus ut et nos huic sue venditioni nostrum consensum inpendere curaremus Nos igitur ipsius precibus annuentes dicte terre traditionem et emptionem per manum et legittimum nostrum consensum fore factam et debita nostra ratihabitione confirmatam presentibus protestamur sigillum nostrum in horum testimonium apponi facientes huic scripto Testes qui hiis interfuerunt sunt hii Burchardus capellanus Conr de Anniwiler miles Volricus de Roggewiler Conr Ramung cives Constant[ienses] frater Heinr de Veringen et quam plures alii fide digni Dat Weldi anno domini MCCLXXXII in festo beati Othmari indict XI