Charter Document - 04060198
| Charter Number: | 04060198 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1282 |
| Date type: | Internal, A.D. |
| Resource Link(s): |
Monasterium.net |
Charter:
Universis presentium inspectoribus Rvod comes de Raprechtswiler noticiam subscriptorum Noverint quos nosse fuerit oportunum quod Albertus et Volricus fratres dicti de Itschena una cum Adilheidi matre ipsorum et Adilheidi filia ipsius Alberti accedente nostra coniventia et consensu hon[orabilibus] in Christo [] priorisse et conventui sororum in Oetenbach vendiderunt et tradiderunt omnia bona sua sita in Itschena et Gastirzematte et in Semchen que proprietatis titulo possidebant promittentes prestito corporaliter sacramento quod ipsi contra dictam venditionem et traditionem numquam veniant verbo vel facto Et obligant se et nos cum eis ad prestandum warandiam super bonis predictis quandocumque fuerint requisiti in quovis iudicio ecclesiastico vel seculari renunciantes omni iuri actioni exceptioni restitutionis in integrum et generaliter omni canonum et legum auxilio per quod dicta venditio et traditio possent retractari vel aliquatenus infirmari In cuius rei testimonium presentem cartam predictis [] priorisse et conventui sigillo nostro tradimus patenter communitam Acta sunt hec in cimiterio in Raprechtswile anno domini MCCLXXX secundo idus novembr indict XI presentibus magistro de Walde clerico Rvod de Mazzingen milite Gotfrido de Bvobendorf Kraftone ab Ebnoede Marscalco de Raprechtswile Alberto de Rvti et aliis quam pluribus fide dignis