Charter Document - 04060196
| Charter Number: | 04060196 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1282 |
| Date type: | Internal, A.D., Feast |
| Resource Link(s): |
Monasterium.net |
Charter:
Universis Christi fidelibus presens scriptum intuentibus Egelolfus de Rorschach miles ministerialis monasterii sancti Galli salutem cum noticia subscriptorum Ad noticiam omnium ac singulorum contextu presentium cupio devenire quod ego animadvertens michi meisque predecessoribus varia fore beneficia a monasterio beati Galli pluries impensa et alias me eidem monasterio in obsequiorum et fidelis promotionis exhibitione fore astrictum feodum quod a iamdicto monasterio hactenus tenui videlicet quatuor libras usualis monete quas singulis annis de curia in Rorschach titulo feodi recepi sine contradictione pacifice et quiete necnon possessiones in Tvfenbach sive redditus et fructus michi ibidem titulo pignoris per dominum Romonem quondam abbatem monasterii sepefati obligatos resigno et remitto ipsi monasterio ac resignasse ad manus reverendi domini Will[ehelm]i dei gratia electi et confirmati sepefati monasterii sancti Galli confiteor presentibus et remisisse In cuius resignationis necnon remissionis evidentiam ampliorem presentibus meum sigillum appendi Acta sunt hec apud Veltkilch anno domini MCCLXXXII in die festivitatis beate Marie Magdalene indictione X