Charter Document - 04060184
| Charter Number: | 04060184 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1282 |
| Date type: | Internal, A.D., Calendar |
| Resource Link(s): |
Monasterium.net |
Charter:
Willehelmus dei gratia electus et confirmatus Berh prepositus totusque conventus monasterii sancti Galli omnibus presentium inspectoribus salutem et noticiam subscriptorum Ad noticiam vestram volumus pervenire quod constitutus in nostra presentia vir strennuus dominus Johannes miles de Schoninberc decimas in Mittelberc in Zaizenloch et in Awahs sitas quas a nobis et nostro monasterio tenebat in feodo ad manus nostras sponte ac voluntate libera cum suis pertinentiis et iuribus universis resignavit petens a nobis humiliter ac devote ut easdem decimas cum suis pertinenciis reverendis in Christo [] priorisse et conventui sororum in Mvnsterling[en] sub censu annuo videlicet uno fertone cere singulis annis nobis et thesaurario nostro in festo beati Galli persolvendo conferre et donare divine pietatis intuitu dignaremur Nos itaque precibus supradicti militis inclinati prefatas decimas in Mittelberc in Zaizenloch et in Awahs sitas cum suis pertinentiis et iuribus universis memoratis priorisse et conventui sororum in Mvnstirling[en] nobis sub censu annuo ut supradictum est in festo beati Galli annis singulis uno fertone cere in recognitionem dominii persolvendo in nomine domini concedimus et donamus adhibita nichilominus in ipsa donatione verborum et gestuum sollempnitate debita et consueta dantes insuper priorisse et conventui sororum in Mvnstirling[en] supradictis eorumque successoribus universis plenam potestatem et liberam facultatem prenotatas decimas cum omni iure vendendi alienandi seu alio modo distrahendi prout eis videbitur expedire Ita tamen quod emptores ipsarum decimarum sub intersigno prenotati census nobis nostrisve successoribus universis ipsarum decimarum dominium sine qualibet impedimenti materia imperpetuum recognoscant In cuius rei testimonium nos Willehelmus electus et confirmatus et conventus monasterii sancti Galli supradicti una cum sigillo prefati militis de Schoeninberc instrumenta presenti sigilla nostra duximus appendenda Datum apud sanctum Gallum anno domini MCCLXXXII XII kl maii indict X Presentibus hon[orabili] viro domino Fr preposito Curiensi Vol de Rameswach Hain advocato de Wartense C pincerna de Landegge Johanne et Jac fratribus de Lutirberch militibus et aliis quam pluribus