Charter Document - 04060181
| Charter Number: | 04060181 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1281 |
| Date type: | Internal, A.D., Regnal |
| Resource Link(s): |
Monasterium.net |
Charter:
Rudolfus dei gracia Romanorum rex semper augustus universis sacri imperii Romani fidelibus tam presentibus quam futuris presentes litteras inspecturis imperpetuum Cum dive memorie Fridericus secundus Romanorum imperator et rex Sicilie prout in suis privilegiis vidimus contineri venerabili VoI abbati sancti Galli et ecclesie sue ministerialibus principum qui sollempni curie sue apud Vlmam interfuere presentes applaudente consensu promiserit quod advocaciam in Wanga vellet perpetuo immediate in suis manibus et imperii continere nunquam alienandam ab imperio per personam aliquam ecclesiasticam vel mundanam sic quod eadem advocacia in illius dominio semper debeat permanere qui pro tempore ecclesie sancti Galli fuerit advocatus nos eiusdem Friderici imperatoris in hiis que nostre salutis augmentum respiciunt sequentes vestigia predictam promissionem seu graciam ratam habemus et gratam ac eam ex plenitudine potestatis regie confirmamus quamlibet alienacionem advocacie predicte decernentes irritam et inanem In cuius rei testimonium presens scriptum exinde conscribi et maiestatis nostre sigillo iussimus communiri Testes sunt hii venerabiles Heinricus Basiliensis et Conradus Tullensis episcopi ac nobiles viri Heinricus de Vurstinberch Guntherus de Swarzpurch Bertholdus de Henninberch comites Heinricus marchio de Hahperch Hartmannus et Marquardus fratres de Baldecke et alii quamplures Datum apud Columbariam idus octobris ind X anno domini millesimo ducentesimo LXXX primo regni vero nostri anno nono