Charter Document - 04060180
| Charter Number: | 04060180 |
|---|---|
| Cartulary Title: | Chartularium Sangallense IV [St. Gallen] |
| Charter Language: | German |
| Charter Origin: | Religious |
| Charter Type(s): | Sale |
| Date: | 1281 |
| Date type: | Internal, A.D., Feast |
| Resource Link(s): |
Monasterium.net |
Charter:
In dem namen vnsurs herrun amen Ich E du ebtissunna vnde alle der conuent von Magenowe kunden allen dien die disun briefh lesunt alder horrent lesun daz wir mit gemeinum rate frowan vnde bruder gegebun hein ze chovfunne vnsurn hofh ze Hewnhozh mit allem rehte wr ein lidich gut vnde un an sprechiges vnde wr rihtes von sante Gallen der abtissinnun vnde dem conuent von Tennincon Daz dis ein warheit si des wir hie von wr gehen hein des ist gezug der lupriester von Bichulnse vnde Eber von Lovmesa vnde H von Hunzincon vnde Hug der Goltsmit vnde bruder Alb der Huno vnde bruder Wal vonme Holunesteine vnde bruder H von Oburberc vnde bruder H Jovhc vnde ander lute uil die es sahun unde hortun vnde dirre brief busigultur mit vnsurm insigule Dirre brief wart gegebun ze Magenowe an dem tusungostun jare vnde zvwie hundert jar vnde LXXX vnde ein jar nach unsurs herren geburte an sante Thomas abunde vnde sun su ein phunt wahses gebun von dem gute gen sante Gallen