Charter Document - 04060176
| Charter Number: | 04060176 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Protection |
| Date: | 1281 |
| Date type: | Internal, A.D., Calendar |
| Resource Link(s): |
Monasterium.net |
Charter:
Omnibus presentium inspectoribus [] abbatissa et conventus monasterii Scandensis Curiensis dyocesis salutem et noticiam subscriptorum Noveritis universi quod nos pensata utilitate monasterii nostri proprietatem possessionum in Bvonberg et Erlistal quas Ebirhardus Chvononis Ebirh et Bercht Goldi H Carpentarius H et Al de Erlistal a nobis et monasterio nostro iure emphitheotico possidebant ita videlicet quod singulis annis nomine census predicti aut heredes eorum duos denarios et obulum sive dimidium den[arium] monete Constantiensis nobis et ecclesie nostre solvere tenebantur nosque persone dictum censum nobis presentanti et servo suo unum panem magne quantitatis et staupam cervisie et petiam casei dare debebamus receptis ab [] abbate et conventu monasterii de Vischinun una libra et quinque solidis denariorum Constantiensium quos in maiorem utilitatem nostri monasterii convertimus eisdem [] abbati et conventui et monasterio ipsorum tradidimus et omne ius quod nobis in ipsis possessionibus competiit seu competere videbatur diligenti inter nos super alienationibus dictarum possessionum habito tractatu necnon adhibita omni sollempnitate que in contractibus huiusmodi et alienationibus rerum ecclesiasticarum intervenire solet in eos transfundimus et ipsorum monasterium antedictum In cuius facti evidentiam presentes litteras ipsis concessimus sigillis nostris scilicet [] abbatisse et conventus patenter sigillatas Actum et datum in monasterio Scandensi anno domini MCCLXXXI III non aprilis indict IX