Charter Document - 04060160

In nomine domini nostri Iesu Christi amen Universis et singulis bone voluntatis hominibus Conradus de Krenkingen rei geste noticiam infrascripte Ne hominum labilis memoria oblivionis caligine obfuscetur convenit ea que aguntur sub tempore scripturarum testimoniis perhennari Omnibus igitur hominibus tam presentibus quam futuris notum facio per presentes quod ego curiam in villa Noekerswiler sitam que vulgariter maierhof nuncupatur michi titulo feodi a monasterio sancti Galli seu a reverendo domino [] abbate ipsius monasterii pertinentem de consensu et voluntate dominorum [] abbatis et conventus eiusdem monasterii qui prius recepta a me resignatione dicti feodi sub omni ea sollempnitate verborum et gestuum que solet in talibus adhiberi proprietatem ipsius curie cesserunt sub modo inferius annotato cum omni iure hominibus districtu iurisdictione iure patronatus aquis piscariis aqueductibus silvis nemoribus pascuis pratis viis inviis campis cultis incultis molendinis vebistationibus omnibus aliis iuribus ac pertinenciis infra scepta ville supradicte vel extra quocumque nomine seu titulo censeantur nunc scitis seu etiam imposterum inquirendis honorabilibus in Christo Hainrico abbati et conventui monasterii sancti Blasii in Nigra Silua seu ipsorum monasterio pro summa centum quadraginta et quinque marcharum argenti ponderis ville Scaffusensis quam summam pecunie recepi eam michi fore solutam integraliter recognoscens vendidi tradidi et assignavi cum omnibus iuribus ac pertinenciis quibus ego progenitoresque mei usque in hec tempora possedimus imperpetuum emptionis titulo possidendam Sane in memorate venditionis contractu feoda seu bona feodalia vulgariter manlehen dicta que ipsi curie annexa fuerunt a quibuscumque possideantur sunt excepta et ne ad emptorem transeant est condictum Excepi insuper et michi specialiter retinui homines dumtaxat utriusque sexus qui contractus tempore extra villam Noekerswiler prenotatam fuerunt matrimonialiter coniugati Porro cum proprietas curie sepius recitate pertinuerit monasterio sancti Galli ut sepe fatis [] abbati et conventui monasterii sancti Blasii uberius cautum exstet reverendus dominus abbas et conventus sepe dicti monasterii sancti Galli sollempni tractatu prehabito et communi recepta a me recompensatione subscripta et feodi resignatione premissa ut superius est expressum proprietatem curie sepe sepius recitate cum omnibus suis pertinentiis et appendiciis iure patronatus ac aliis iuribus universis monasterio sancti Blasii antedicto tradiderunt donaverunt assignarunt et in ipsum transtulerunt proprietatis titulo pleno iure perpetuo possidendam necnon utendam pacifice ac fruendam Verum in recompensationem proprietatis curie superius nominate predicto modo tradite et donate possessiones meas in Lushaim et in Bachtal ad estimationem sex marcharum et plus solventes in redditibus annuatim que michi et meis progenitoribus proprietatis titulo pertinebant seu proprietatem possessionum earumdem monasterio sancti Galli dedi tradidi et assignavi proprietatis titulo perpetuo retinendas et ipsas ab ipso monasterio sancti Galli in feodum recepi me pro eisdem decetero vassallum eiusdem monasterii recognoscens promittens pro me heredibusque meis quod in nullo contra predictum factum verbo vel facto veniam per me vel interpositam personam ipso facto inconvulso manente ad quod me heredesque meos necnon ad cavendum de evictione Obligo bona fide Renuncio insuper pro me et heredibus meis omni iuris auxilio canonici et civilis consuetudini et statuto exceptioni deceptionis ultra modum iusti precii doli quod metus causa non numerate pecunie omnibus litteris impetratis seu impetrandis et breviter omnibus per que dictus contractus posset in aliquo vacillari In premissorum autem omnium testimonium presentem litteram reverendi patris domini Rud dei gratia episcopi Constantiensis dominorum Rvomonis abbatis et conventus monasterii sancti Galli necnon mei dedi sigillorum munimine roboratam Nos vero episcopus prelibatus consensum predictis omnibus adhibentes in ipsorum testimonium sigillum appendi fecimus nostrum Nos vero Rvomo abbas et conventus monasterii sancti Galli superius nominati sepe dictos contractus de consensu et voluntate nostra unanimi et diligenti tractatu premisso celebratos initos et perfectos necnon nobis possessiones superius nominatas seu ipsarum proprietatem per sepe dictum Conradum de Krenkingen in recompensationem curie prelibate quam in monasterium sancti Blasii transtulimus esse factam quemadmodum est premissum presentibus profitemur renuntiantes pro nobis et nostro monasterio omni actioni et exceptioni in integrum restitutionis iure minoris et omnibus quibus superius ex parte predicti Conradi de Krenkingen renuntiatum est et per que ipsi contractus calumpniam possent recipere in futurum In premissorum autem omnium evidens testimonium sigilla nostra huic instrumento duximus appendenda Acta sunt hec apud sanctum Gallum anno domini millesimo ducentesimo septuagesimo nono XIIII kl iulii indictione septima presentibus honorandis viris Berhtoldo preposito Hainrico portanario Friderico camerario Hainrico et Hugone fratribus de Dverrehaim Walthero de Ramestain Hilteboldo de Werstain Marqwardo de Veringen Volrico de Drupurch et Hainrico de Luphon monachis monasterii sancti Galli nobilibus viris dominis Conrado de Stoepheln canonico Argentinensi Diethelmo de Ramestain rectore ecclesie in Vlma magistro Hainrico de Petirskiliche magistro Alberto rectore ecclesie in Nallingen Hainrico de Bvnishouen canonico Episcopaliscelle Walthero Tihtelario magistro Johanne scolastico et me magistro Berhtoldo rectore ecclesie in Wambrehtz clericis nobili viro domino Volrico de Guttingen Rud ministro oppidi sancti Galli dicto Fuller Volrico Lestino Johanne et Rud Coquine Magistris Johanne et Rud fratribus Dispensatoribus civibus sancti Galli laycis et aliis quam pluribus fide dignis in domino feliciter amen