Charter Document - 04060154
| Charter Number: | 04060154 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1279 |
| Date type: | Internal, A.D., Calendar |
| Resource Link(s): |
Monasterium.net |
Charter:
Ego Volr de Givttingen vicem gerens nobilis viri Hugonis comitis de Werdenberc lantgrauii superioris Sveuie notum facio presentium inspectoribus universis quod Fridericus de Phlegelberc Cvonradum dictum Kraebz de Lindaugia fratres eiusdem et omnem suam progeniem sive parentalem necnon etiam omnes homines utriusque sexus tam maris quam femine quos a monasterio sancti Galli titulo feodi possidebat ad manus venerabilis in Christo Rumonis abbatis iam dicti monasterii non coactus sed voluntarie et libere cum sollempnitate que ad hoc pertinuit resignavit In cuius resignationis testimonium et evidentiam pleniorem ego ad instantem petitionem prefati Friderici de Phlegelberc sigillum meum duxi presentibus appendendum Actum est hoc in Castro Schopphlo presentibus viris providis Cvonr de Stoeffeln canonico ecclesie Argentinensis Diethalmo rectore ecclesie in Vlma Alberto capellano reverendi in Christo A dei gratia abbatis Augie Maioris Johanne prebendario sancti Leonardi clericis nobili viro Ber de Valkenstain domino Peregrino de Stoffeln domino [] de Burcperch militibus Ruevelino ministro de Rinowe R dicto Helt H de Witnowe et Goetfrido de Kessiwiler et aliis quam pluribus anno domini MCCLXXIX tercio kl marcii ind VII