Charter Document - 04060152

Rvodolfus dei gratia ecclesie Constantiensis episcopus universis Christi fidelibus presentem cedulam inspecturis salutem in domino Res geste robur firmitatis debitum sorciuntur quando ipse scripturarum et testium intersigno futurorum memorie declarantur Noverint igitur omnes ac singuli tenorem presencium perlecturi cum discretus vir Bertholdus miles de Diescenhouen dictus vs der Hoeri ecclesie nostre ministerialis possessiones suas videlicet curiam sitam in villa Wiler et scupozam dictam Spurins et scvpozam dictam Engelhartz in eadem villa sitas quas ipse ab ecclesia nostra tenebat in feodum omagiale cum omnibus suis iuribus et pertinenciis videlicet silvis pratis vineis agris cultis et incultis ortis pomeriis pascuis et aliis universis tam infra septa quam extra dilectis in Christo [] priorisse et conventui sororum extra muros oppidi sancti Galli apud ecclesiam sancti Magni residentibus regulam sancti Augustini professis pro quadraginta tribus marcis puri et legalis argenti ponderis Constantiensis iuste et legaliter vendidisset quod idem miles veniens ad nos premissa ad manus nostras nomine iamdicte ecclesie nostre predictarum possessionum resignacione petivit humiliter et devote ut nos easdem pro annuo censu prememoratis [] priorisse et conventui concedere dignaremur Nos itaque perpendentes quod miles prefatus liberis suis de pecunia quam ex vendicione predictarum possessionum consecutus fuerat ut ad collegium alicuius religionis commodius reciperentur intenderet providere necnon quod ex adepcione ipsarum possessionum apud sepe recitatas sorores posset divini nominis cultus inposterum uberius augmentari preces prefatas hoc ipso racionabilius duximus admittendas multociens dictis sororibus possessiones predistinctas cum omnibus suis iuribus et pertinenciis nomine ecclesie nostre de communi consensu tocius capituli pro annuo censu videlicet dimidia libra cere in festo sancti Martini decetero singulis annis ad cameram nostram persolvendo concedentes Indulgemus insuper sepe dictis [] priorisse et conventui ut prescriptas possessiones in personam aliam vel alias in toto vel in parte per vendicionem seu alium quemcumque modum alienandi cum eo iure quo prenotatus Bertoldus miles easdem possessiones a nobis et ecclesia nostra possidebat libere transferre valeant vel etiam quod sepefate possessiones si ipsas inposterum in alio loco corporalem residenciam habere aut se alterius monasterii seu conventus collegio unire contigerit cum tocius sui iuris universitate transeant cum eisdem renunciantes omni actioni defensioni excepcioni necnon occasioni cuilibet iuris communis vel privati canonici vel civilis litteris seu indulgenciis quibuslibet impetratis vel impetrandis et generaliter omnibus eis tam in genere quam in specie pretextu quorum huiusmodi concessio a nobis facta posset inposterum aliqualiter irritari In cuius testimonium et robur perpetuum nos priorisse et conventui sepissime dictis presens instrumentum dedimus sigillorum nostri et capituli ecclesie nostre Constantiensis robore communitum Nos capitulum ecclesie Constantiensis profitemur et recognoscimus per presentes nos in concessionem supradictis [] priorisse et conventui a reverendo in Christo patre et domino nostro R dei gratia episcopo antedicto factam prout premissum est consensisse unde et presentibus nostrum sigillum duximus appendendum Acta sunt hec Salem in domo hospitum interiori presentibus viris nobilibus Eberhardo de Habspurch et Friderico de Toggenburch comitibus Walt de Clingen et [] de Eschibach seniore [] de Wangen [] de Henkhart Rvod de Staina Johanne de Schoenenberch Cvonr de Anewiler militibus Eber de Stovphenegge maioris Walt de Kilchain et magistro Walt de Scaphusa sancti Stephani et magistro Cvonrado dicto Phefferhart sancti Johannis ecclesiarum Constantiensium canonicis fratre Cunr priore et fratre Hainr dicto de Constantia ordinis Predicatorum domus Constantiensis et aliis quam pluribus fide dignis anno domini MCCLXXIXXIIII kal aprilis indict VIII