Charter Document - 04060148
| Charter Number: | 04060148 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1278 |
| Date type: | Internal, A.D., Feast |
| Resource Link(s): |
Monasterium.net |
Charter:
Universis presentium inspectoribus magister Chvonr cantor Hermannus de Rvsegga plebanus monasterii abbacie Hermannus advocatus nobilis dictus de Bovnsteten et consules Thuricenses quorum ad presens hec sunt nomina Redeg Manezzo R de Lvnchvnft Vol de Schonenwert Wilh de Kloton Jo Biber R an dem Stege milites Hvgo senior et Hvgo filius suus dicti Manezzen Heinr Peregrinus H in Foro Vol Stovri Otto de Mvlimaton noticiam subscriptorum Noverint quos nosse fuerit oportunum quod Mathyas nobilis dictus de Bebingen dilectis in Christo [] abbati et conventui monasterii de Wetingen ordinis Cysterciensis Constantiensis dyocesis ob suam et suorum parentum salutem in nostri presencia sanus et incolumis sponte publice bona fide donavit tradidit omnem proprietatem seu omne ius proprietatis quod habet vel habuit in bonis sitis in Sibental que bona nobilis matrona Berchta de Bremgarton relicta nobilis viri Rvodolfi advocati dicti de Stretelingen titulo donacionis propter nupcias que in vulgari dicitur lipgedinge quoad usu fructum possidet et pro tempore vite sue nisi cesserit debet possidere Quorum bonorum proprietatibus Margareta mater iamdicti nobilis Mathye fratre suo prefato Rvodolfo de Stretlingen premortuo et heredes filios seu descendentes non relinquente legaliter successit quorum bonorum nomina sunt Poltingen villa cum iure patronatus ecclesie in eadem villa et omni iure ville annexo videlicet advocacia bannis et omnibus districtibus et villa Reidenbach cum iure et honere suo et villa Vnderbechu cum suis pertinenciis et aliis curiis curtibus areis agris pratis nemoribus cultis et incultis censibus reditibus quocumque nomine censeantur sitis in parrochia ville Poltingen prenotate Insuper dictus Mathyas nobilis domum sitam in Berno cui ipse et mater sua predicta successerunt prenotato Rvodolfo de Stetlingen defuncto similiter dona vit ac tradidit abbati et conventui de Wetingen prenotatis Sepedictus etiam Mathyas iuravit prestito super hoc spontaneo sacramento quod predictas donaciones ratas et gratas habebit nec eas mutabit nec aliquatenus revocabit Et in huius rei testimonium presens littera sigillis nostris patenter communitur Acta sunt hec in Thurego presentibus preter nos prenominatos quorum hec sunt nomina C canonicus Curiensis dictus de Mazingen C notarius et capellanus Romanorum regis Berchtoldus notarius noster Jacobus Molendenarius et Rvodolfus filius suus milites Vol dictus Trovber anno domini MCCLXXVIII crastino Martyni episcopi indic septima