Charter Document - 04060146

In nomine domini nostri Iesu Christi amen Romo dei gratia abbas totusque conventus monasterii sancti Galli omnibus Christi fidelibus presens scriptum intuentibus salutem cum noticia subscriptorum Pie veritatis sinceritas rebus gestis audax audet firmitatis patrocinium in posterum ministrare dum ipsis litterarum et testium aminicula suffragantur Cum igitur discretus vir Eberhardus de Bichelnse miles nostri monasterii ministerialis necnon Eberhardus filius suus decimas in Bvochrain Huogenberch Oetenhusen Tannikon et eas que in mansibus [] dicti Haseler et dicti Stvki apud Tannikon colliguntur mansum in Bvoch et tres scopozas apud Stetfvrt quas a nobis sive nostro monasterio in feodum hacteus tenuerunt divine karitatis suasione conpucti ad manus nostras devote ac libere resignarint suplicantes humiliter et attente ut eadem feoda religiosis sororibus [] abbatisse et conventui sororum in Tannikon assignare ac donare dei intuitu dignaremur ad noticiam universorum ac singulorum tam presentium quam futurorum contextu presentium cupimus devenire quod nos sacre religionis h[ab]it[ation]ibus pro nostra possibilitate manum adiutricem porrigere cupientes cum exinde eterne remunerationis premium prestolemur tum ad instantem etiam peticionem prelibatorum Eber de Bichelnse ac E filii ipsius prescriptas decimas mansus et scopozas religiosis in Christo [] abbatisse et conventui sororum in Tannikon sub annuo censu videlicet duabus libris cere in festo beati Galli [] custodi nostri monasterii qui pro tempore fuerit persolvendis donamus tradimus et assignasse presentibus confitemur ipsis ex nunc inantea quiete et pacifice possidendas Nos Ber prepositus H portarius totusque conventus monasterii sancti Galli in donationem prescriptam que de bona voluntate et nostro consilio unanimi transivit adesse libere consentimus renuntiantes una cum domino nostro [] abbate pro nobis nostrisque successoribus universis omni actioni defensioni exceptioni iuris auxilio conmunis et privati canonici vel civilis litteris seu indulgentiis a sede apostolica inpetratis vel etiam inpetrandis necnon generaliter omnibus per que dicta donatio a nobis seu nostris successoribus in toto vel in parte infringi posset aliqualiter inpeti vel cassari In huius itaque donationis evidentiam ampliorem presentes iussu nostro conscriptas ipsis contradi fecimus sigillorum nostrorum [] abbatis et conventus munimine consignatas Actum et datum apud sanctum Gallum anno domini MCCLXXVIII XI kl aug indict VI Presentibus discretis viris Conr de Stoefeln canonico Argent[inensi] E de Grimmenstain H dicto Lowe militibus Vol de Bvnishoven A de Rvti Johanne Magistro Coquine Ro fratre suo Vol dicto Lesti Vol dicto Phosili Jacobo dicto Plarrer Volkardo H dicto Hvrst Wilderico H Sellatore civibus oppidi sancti Galli aliisque quam pluribus fide dignis in domino feliciter amen