Charter Document - 04060143
| Charter Number: | 04060143 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1278 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Rvomo dei gratia abbas monasterii sancti Galli notum facimus presentium inspectoribus universis quod cum nostrum monasterium propter diversas pressuras et insultus varios quibus iam est diutius irretitum gravi premeretur honere debitorum in tantum quod etiam plurimis periculis nisi sibi celeriter succurratur graviter subiacebit nos qui ex iniuncto nobis officio tenemur eidem paterna sollicitudine providere considerantes et vigilantius pensantes quod huiusmodi dampnis nisi per venditionem aliquarum possessionum occurrere non possemus habito prudentum quorum intererat consilio discreto viro Hainr de Stecboron dicto an Horne decimam sitam in superiori Stamhain in Basendingen et in Gvnteringen ad cellarium nostri monasterii pertinentem et scopozam in superiori Stamhain que ad dictum nostrum spectat monasterium de consilio et consensu omnium et singulorum nostri conventus cum omni sollempnitate facti verborum et gestuum que ad huiusmodi venditionem requirebatur pro viginti marcis argenti quas ab ipso Hainr recepimus et in utilitatem predictam nostri monasterii scilicet in relevationem debitorum convertimus sicut presentibus protestamur vendidimus sub infrascriptis conditionibus perpetuo possidendum videlicet quod ipse Hainr an Horne et omnes sui heredes pro totius futuri temporis curriculo sibi succedentes dictas decimam et scopozam teneant et possideant pro annuo censu videlicet dimidia libra cere ad altare sancti Galli in purificatione beate virginis annis singulis persolvenda eo nomine quod zinslein dicitur perpetuo pacifice et quiete Preterea de communi deliberatione et consensu nostri conventus volumus et predictis Hainr et suis heredibus indulgemus quod decimam et scopozam prefatas vendant et ad alias personas quocumque genere alienationis transferant ita quod nostrum monasterium censu prehabito non fraudetur Et quod hec firma permaneant renunciamus pro nobis et nostris successoribus omnibus litteris seu indulgentiis a sede apostolica impetratis vel etiam impetrandis et generaliter omnibus per que presens venditio posset aliqualiter irritari Ad maiorem certitudinem has litteras sigillorum nostri videlicet et nostri conventus robore consignantes Dat apud sanctum Gallum X kl maii ind VI anno domini MCCLXXVIII