Charter Document - 04060141
| Charter Number: | 04060141 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1278 |
| Date type: | Internal, A.D., Episcopal |
| Resource Link(s): |
Monasterium.net |
Charter:
Frater Tholomeus dei gratia Sardiensis episcopus venerabilis patris domini R Constantiensis episcopi gerens vices universis litteras inspectonbus salutem in domino Quoniam ut ait apostolus omnes stabimus ante tribunal Christi recepturi prout in [c]orpore gesserimus sive bonum fuerit sive malum idcirco oportet nos operibus pietatis misericordie prevenire Cum igitur ecclesiam et monasterium nobilium et religiosarum dominarum de Maggenovwe ordinis Cyst[erciensis] diocesis Constantiensis cum altaribus suis per nos sit sollempniter dedicatum et cupiamus merito et ordine debito ut dictum claustrum cum ecclesia congruis honoribus a concursu fidelium honoretur et in remissionem eorum peccaminum frequententur omnibus vere contritis penitentibus et confessis qui ad claustrum predictarum dominarum in anniversario dedicationis ecclesie et altarium ipsarum quod est de ordinatione nostra in crastinum post festum beati Marcii ewangeliste et in festis IIII beate Marie virginis eiusdem loci patrone causa devotionis accesserint et per octavas XL dies criminalium et annum venialium de misericordia omnipotentis dei de iniuncta eis penitentia in domino misericorditer relaxamus Datum anno domini in eodem loco sub MCCLXXVIII pontificatus domini Nycolai anno primo