Charter Document - 04060137
| Charter Number: | 04060137 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1277 |
| Date type: | Internal, A.D., Calendar |
| Resource Link(s): |
Monasterium.net |
Charter:
Reverendissimus dei gratia abbas sancti Galli omnibus presentium inspectoribus salutem meam qui est vera salus Ne rebus gestis in posterum oblivionis scrupulum valeat generari prodest ipsas scripturarum et testium indiciis memoriam stabilem adipisci Ad notitiam igitur universorum et singulorum tam presentium quam futurorum contextu prsesentium cupimus devinire quod nobiles viri Fridericus comes de Zolre universique nati ipsius qui decimam sitam in Denkingen a nobis nostroque monasterio tenuerunt iure feudali necnon providus vir Bocardus de Hegenich miles qui ipsam decimam a dictis nobilibus iure feudali similiter possidebat proprise saluti cupientes intendere non improvide dictam decimam cum omni iure quo et ipsi eam hactenus obtinuerunt ad manus nostras libere resignarunt supplicantes nobis nisu quo poterunt ampliori quatenus prescribatam decimam religiosis fratribus ordinis sancti Johannis hospitalis domus in Rottweil conferre dei intuitu dignaremur Nos vero devotionem religionis memoratorum fratrum animadvertentes dictorumque nobilium eorundemque fratrum petitionibus assensum favorabilem porrigere cupientes sepse falam decimam in Denkingen tam maiores fructus quam minores eiusdem decime cum omni iure quemadmodum prescribati ipsam hactenus possiderunt pro annuo censu videlicet quatuor librarum cere ponderis oppidi sancti Galli in festo beati Galli custodi nostri monasterii persolvendis nostri conventus consensu pariter et assensu liberaliter accedente sepe dictis fratribus ordinis sancti Johannis hospitalis in Rottweil duximus conferendam Ut autem huius collationis evidentia debito robore non fraudetur presentes ipsis contradi fecimus sigillo nostro nostrique conventus munivimus consignatas Datum apud Wilse anno domini MCCLXXVII kalend novembris indict VI presentibus honorandis viris Ul plebano in Steina Bernardo vicario in Wilse viceplebano in Kilberch sacerdotibus C de Stoefeln canonico Argentinensi Dieth de Ramstein rectore ecclesie in Ulma magistro Joanne rectore fredre in sancto Gallo clericis nobili viro D de Falkenstein R de Roschach C de Burberch Conr bincerna monasterii nostri militibus Hug dicto Stockeli Frid de Seedorf B avo suo et aliis quam pluribus fide dignis in domino feliciter amen