Charter Document - 04060136

Rvomo dei gratia abbas monasterii sancti Galli universis tenorem presentium per lecturis salutem cum notitia subscriptorum Ne rerum gestarum evidentia in posterum oblivionis caligine corrodatur veritatis amica simplicitas scripturarum et testium exposcit ipsas testimonio commendari Cum igitur reverende in Christo [] abbatissa necnon sorores conventus monasterii in Maggenovwe ordinis Cysterciensis quasdam possessiones suas videlicet curiam in Nydirbvrren decimam in Sollrental advocatiam in Waltistal necnon possessiones in Nydirwile libram denariorum annis singulis persolventes quas sub annuo censu videlicet Ib cere a nobis sive a nostro monasterio tenuerunt pensata utilitate ac commoditate monasterii sui iam dietas possessiones permutationis tytulo in personas alias transferre cupientes ad manus nostras libere resignarint ad notitiam omnium ac singulorum tam presentium quam futurorum contextu presentium cupimus devenire quod facta resignatione huiusmodi providus vir Baeldinus dictus Schorant utilitati proprie cupiens intendere curiam suam dictam Schorants hvobe an Braitinvelde quam a nobis sive a nostro monasterio tenuit in feodum tytulo permutationis et venditionis imparte in prelibatas [] abbatissam et sorores conventus in Maggenovwe transferre cupiens ad manus nostras libere resignavit Nos vero ad petitionem eiusdem Baeldini dicti Schorant curiam iam dictam prelibatis [] abbatisse et conventui sororum in Maggenovwe quam ab ipso etiam imparte compararunt puta pro quadraginta quinque marcis et dimidia conferimus et assignasse presentibus confitemur sepefato quoque dicto Baeldino Schorant ad instantiam predictarum [] abbatisse et conventus curiam in Nydirbvrren necnon decimam in Sorental iure feodi conferentes advocatiam nichilominus in Waltistal nobilibus viris de Tyvfen Diethalmo et Hugone necnon possessiones in Nydirvzzewile Ib denariorum annis singulis persolventes dilectis et fidelibus nostris Livtoldo pincerne de Landegge et Cvonr fratri suo duximus conferendas Possessiones insuper suas in Waelversperch prelibate [] abbatisse et sororum conventus in Maeggenovwe ipsis iure proprietatis pertinentes nobis seu nostro monasterio libere donaverunt quas etiam possessiones ipsarum cupientes desideriis obtemperare fideli nostro Walthero de Lovwenberch contulisse iure feodi profitemur Possessiones insuper providi viri Cvonradi de Annewiler necnon uxoris sue sitas in Tegirscha quas a nobis tenuerunt in feodum post resignationem ipsarum per ipsos nobis legaliter factam quas ab eis pro quadraginta quatuor marcis argenti puri et legalis compararunt sepe dictis [] abbatisse et conven tui in Maggenovwe conferimus et contulisse presentibus profitemur ipsis perpetuo possidendas ita tamen ut de possessionibus quas presenti instrumento sepe dictis [] abbatisse et conventui profitemur libere contulisse annis singulis libram cere in festo sancti Galli custodi nostri monasterii quemadmodum de possessionibus quas antea tenuerunt persolvere teneantur nostri quidem conventus consensu unanimi ad hec omnia accedente Ut autem huius permutationis seu collationis effectus debito robore perduret presentes conscribi fecimus sigillorum nostri nostrique conventus necnon [] abbatisse conventus sororum in Maggenovwe robore consignatis Acta sunt hec apud sanctum Gallum anno domini MCCLXXVIII sexto kal ianuarii indict VI Presentibus honorandis viris domino C de Stoephiln canonico Argentinensi magistro Johanne rectore puerorum apud sanctum Gallum Walthero Dithelario clericis nobili viro Volr de Gutingin Rvodolfo dicto Giel Livtoldo dicto Ome militibus Volr dicto Lesti cive sancti Galli aliisque quam pluribus fide dignis