Charter Document - 04060135

Universis bone voluntatis hominibus Romo miseratione divina abbas totusque conventus monasterii sancti Galli rei subscripte noticiam cum salute Quoniam illis non immerito qui se et sua pro nostris nostrique monasterii utilitatibus et defensionibus exhibent benivolos et paratos quantum nobis est possibile gratia tenemur vicissitudine respondere hinc est quod cum reverendus in Christo Albertus dei gratia abbas monasterii Augie Maioris eiusque monasterium occasione cause que super electione et electionis prosecutione de nobis Romone in abbatem prefati monasterii celebrate dampna et ex spensas sustinuerint multiformes que in utilitatem et comodum predicti nostri monasterii cedebant quod presentibus confitemur nec nobis ad presens resartiendi dampna huiusmodi aliunde comoda sit facultas possessiones cum hominibus et omnibus suis pertinentiis sitas in villa Bemanch sub castro Sandegge que hactenus iure proprietatis nostro monasterio pertinebant in restaurationem predictorum dampnorum et exspensarum sepefatis [] abbati et monasterio donavimus assignavimus tradidimus proprietatis titulo perpetuo possidendas Verum ut premissa remaneant inconvulsa conmuni inter nos tractatu prehabito renuntiamus omni actioni exceptioni iuri canonico et civili consuetudini et statuto omnibus privilegiis seu litteris a sede apostolica inpetratis vel etiam inpetrandis et breviter omnibus per que predicte donationis et traditionis effectus possit in aliquo vacillari Ne autem predictorum aliquod in posterum oblivionis possit caligine obumbrari presentes litteras sigillorum nostrorum munimine sepefatis [] abbati et monasterio Augie Maioris dedimus roboratas Act et dat apud sanctum Gallum anno domini MCCLXXVII XIII kl ianuarii indict VI