Charter Document - 04060130
| Charter Number: | 04060130 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1277 |
| Date type: | Internal, A.D., Calendar |
| Resource Link(s): |
Monasterium.net |
Charter:
Universis Christi fidelibus presentem paginam inspecturis Engelburg abbatissa totusque conventus monasterii in Maggenov Cisterciensis ordinis orationes in domino cum noticia subscriptorum Ut contractus bone fidei consensu mutuo celebrati perpetue memorie commendentur expedit eosdem scripturarum indiciis perduci ad memoriam tam presentium quam futurorum Noverint igitur tam posteri quam presentes quod nos pensata monasterii nostri utilitate habito contractu solempni et expresso qui in venditionibus rerum ecclesiasticarum adhibendus est iuxta canonicas sanctiones predium nostrum censuale situm in Wenzincon reddens annuatim V modios tritici II maltera avene I modium leguminum XV solidos d[enariorum] Turicen[sium] IIII fasciculos lini LXX ova et IIII pullos sub eodem titulo censualis predii venditioni decrevimus exponendum eo quod pecunia proveniens ex venditione predii eiusdem in maiorem utilitatem monasterii nostri converteretur et cum inter alios emptores dilecte in Christo [] priorissa et conventus monasterii in Tosse nobis maius precium optulissent receptis ab eisdem XIIII marcis minus uno fertone puri et legalis argenti ponderis in Wintertur idem predium censuale cum omni iure sub eodem titulo vendidimus eisdem ut videlicet in festo purificationis beate virginis dimidium fertonem cere ad nostrum monasterium annuatim persolvant et sub hac forma iusto venditionis titulo idem predium in ipsas transtulimus et transferimus per presentes inducentes easdem in possessionem eiusdem predii cum suis appendiciis corporalem Warandiam quoque plenam et securam ipsis de eodem predio prestando presentibus profitemur nos eandem pecuniam a memoratis [] priorissa et conventu monasterii in Tosse recepisse et in utilitatem nostri monasterii fore versam renunciantes nichilominus omni actioni exceptioni consuetudini in integrum restitutioni deceptioni ultra dimidium iusti precii defensioni non adhibite sollempnitatis edicto edito vel edendo privilegio impetrato vel impetrando et omni favori legum et canonum per que hec legittima venditio posset quovis ingenio violari In cuius rei testimonium presens scriptum eisdem tradidimus sigilli quo communiter utimur munimine roboratum Testes qui huic contractui intererant sunt hii Vol de Sancto Monte rector ecclesie in Nvuoron Peregrinus de Wagenberc miles Walt Blete Ja Scult[etus] Vol dictus Wezel cives in Wintertur et alii fide digni Acta sunt hec anno domini MCCLXXVII VI kl iunii indict V